جاڭالىقتار
پوليتسيا شەرزات بولاتتىڭ اعاسى جازعان حابارلاماعا قاتىستى تۇسىنىكتەمە بەردى
فوتو: اشىق دەرەككوز
پوليتسيا مارقۇم شەرزات بولاتتىڭ اعاسىنىڭ ولىمىنە قاتىستى پىكىر ءبىلدىردى, دەپ جازدى qandastar.kz الماتى وبلىسى پوليتسيا دەپارتامەنتىنە سىلتەمە جاساپ.
الدىن الا مالىمەتتەرگە سايكەس, ول اسىلۋ ارقىلى ءوز-وزىنە قول جۇمساعان.
مارقۇم اعىمداعى جىلدىڭ 4 قازانىندا قايعىلى قازا تاپقان كامەلەتكە تولماعان شەرزات بولاتتىڭ اعاسى ەكەنى انىقتالدى.
تەرگەۋ بارىسىندا مارقۇم تۋىستارىنىڭ بىرىنە وزىنە-ءوزى قول جۇمساۋ تۋرالى مەسسەندجەردە جىبەرگەن جازباسى انىقتالدى. حابارلامادا ول تۋىسقاندارىمەن قوشتاسىپ, جيەنىنىڭ جانىنا جەرلەۋدى سۇرادى.
بۇل فاكتى بويىنشا قىلمىستىق ءىس قوزعالدى. قازىرگى ۋاقىتتا بارلىق جاعدايلاردى انىقتاۋ ءۇشىن تەرگەۋ امالدارى جۇرگىزىلۋدە.
قۇرمەتتى ازاماتتار, تەك رەسمي دەرەككوزدەرگە سەنۋىڭىزدى سۇرايمىز جانە جالعان اقپاراتتى تاراتۋ قىلمىستىق جاۋاپكەرشىلىككە دەيىن اكەلۋى مۇمكىن ەكەنىن ەسكە سالامىز!
