Polıııa Sherzat Bolattyń aǵasy jazǵan habarlamaǵa qatysty túsinikteme berdi

Foto: ashyq derekkóz

Polıııa marqum Sherzat Bolattyń aǵasynyń ólimine qatysty pikir bildirdi, dep jazdy qandastar.kz Almaty oblysy Polıııa departamentine silteme jasap. 

Aldyn ala málimetterge sáıkes, ol asylý arqyly óz-ózine qol jumsaǵan.

Marqum aǵymdaǵy jyldyń 4 qazanynda qaıǵyly qaza tapqan kámeletke tolmaǵan Sherzat Bolattyń aǵasy ekeni anyqtaldy.

Tergeý barysynda marqum týystarynyń birine ózine-ózi qol jumsaý týraly messendjerde jibergen jazbasy anyqtaldy. Habarlamada ol týysqandarymen qoshtasyp, jıeniniń janyna jerleýdi surady.

Bul fakti boıynsha qylmystyq is qozǵaldy. Qazirgi ýaqytta barlyq jaǵdaılardy anyqtaý úshin tergeý amaldary júrgizilýde.

Qurmetti azamattar, tek resmı derekkózderge senýińizdi suraımyz jáne jalǵan aqparatty taratý qylmystyq jaýapkershilikke deıin ákelýi múmkin ekenin eske salamyz!