«پرەمەر-مينيستر بولعان كەزدە نەگە بۇل ماسەلەمەن اينالىسپادىڭىز»: سمايىلوۆ دەپۋتاتتىڭ قتج-عا قاتىستى سىنىنا جاۋاپ بەردى

بۇگىن ءماجىلىس وتىرىسىندا ءاليحان سمايىلوۆ قتج بانكروت بولۋى مۇمكىن ەكەنىن مالىمدەدى. وسىعان بايلانىستى دەپۋتات ەرلان سايروۆ ەكس-پرەمەردەن بۇل ماسەلەنى نەگە ەرتەرەك شەشپەگەنىن سۇرادى,-دەپ حابارلايدى Qandastar.kz

«جاپ توراعاسىنا قويار سۇراعىم: قۇرمەتتى ءاليحان اسحان ۇلى, ءسىز «قتج» اق-نىڭ («قازاقستان تەمىر جولى» – رەد. ەسكەرتپەسى) قارجىلىق جاعدايى وتە ناشار دەدىڭىز. شىنىمدى ايتسام, نەگىزى ونىڭ جاعدايى ءسىز پرەمەر-مينيستر بولعان كەزدە ناشارلاپ كەتكەن بولاتىن. سول كەزدە نەگە بۇل ماسەلەنى قاراستىرمادىڭىز دەپ سۇراعىم كەلەدى», – دەدى دەپۋتات سايروۆ سمايىلوۆقا جولداعان ساۋالىندا. ەكس-پرەمەر مينيستر دەپۋتاتقا بەرگەن جاۋابىندا بۇعان دەيىن قتج-عا قاتىستى بۇل ماسەلەلەر كوتەرىلگەنىن ايتتى. ء«بىر كەزدەرى ءبىز بۇل ماسەلەلەردى بىرنەشە رەت كوتەرىپ, سالالىق مينيسترلىكتەرگە دە جۇگىنگەن ەدىك. سونداي-اق ءتىپتى قتج كومپانيالارىنا تاپسىرمالار بەرىپ, جۇمىس جۇرگىزىلۋىن تالاپ ەتتىك, بىراق قابىلدانىپ جاتقان شارالار جەتكىلىكسىز ءارى ءتيىمسىز, سوندىقتان ءبىز بۇل ماسەلەنى قايتادان كوتەرۋگە ءماجبۇرمىز», – دەدى جوعارعى اۋديتورلىق پالاتانىڭ باسشىسى.