قارجى جانە تولەمدەر
پرەمەر-مينيستر: بيۋدجەت قارجىسى ۋاقىتىلى يگەرىلۋ كەرەك
فوتو: gov.kz
پرەمەر-مينيستر: ءجىو-ءنىڭ 4% ناقتى ءوسۋ دەڭگەيى قالىپتاستى. جىل سوڭىنا دەيىن بارلىق رەسۋرستاردى جۇمىلدىرۋ قاجەت, – دەپ حابارلايدى qandastar.kz
ۇكىمەت وتىرىسى بارىسىندا وسى جىلدىڭ 9 ايىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىسى مەن رەسپۋبليكالىق بيۋدجەتتىڭ اتقارىلۋ بارىسى قارالدى.
پرەمەر-مينيستر بيۋدجەتتىك باعدارلامالار اكىمشىلەرىنىڭ قارجىنى ۋاقتىلى يگەرۋ بولىگىندە قارجىلىق ءتارتىپتى كۇشەيتۋ قاجەتتىگىن اتاپ ءوتتى.
«مەملەكەتتىك جانە جەرگىلىكتى اتقارۋشى ورگاندار وسى جىلدىڭ سوڭىنا دەيىن بارلىق رەسۋرستاردى ەكونوميكانىڭ ساپالى وسۋىنە جۇمىلدىرۋى كەرەك. قازىرگى جاعدايدا بۇل وڭاي شارۋا ەمەس. سوندىقتان وسى باعىتتاعى كۇش-جىگەردى ەسەلەي ءتۇسۋ قاجەت. ول ءۇشىن مينيسترلىكتەر مەن وڭىرلەر ۇيلەسىمدى ءارى ءتيىمدى جۇمىس ىستەۋى ءتيىس», — دەپ اتاپ ءوتتى ولجاس بەكتەنوۆ.
