Jańalyqtar
Premer-Mınıstr: Fermerlerden astyqty tikeleı satyp alýdy qamtamasyz etý qajet
Foto: ashyq derekkóz
Premer-Mınıstr Oljas Bektenovtiń tóraǵalyǵymen ótken Úkimet otyrysynda bıylǵy 15 qarashada Aýyl sharýashylyǵy qyzmetkerleriniń birinshi forýmy barysynda aıtylǵan Prezıdent tapsyrmalaryn iske asyrý jónindegi sharalar qaraldy, dep habarlaıdy qandastar.kz
Premer-mınıstr agroónerkásiptik keshendi nyǵaıtý jáne aýyl sharýashylyǵy salasyn ekonomıkalyq ósýdiń kóshbasshysyna aınaldyrý jónindegi Prezıdent alǵa qoıǵan maqsattarǵa qol jetkizý úshin birqatar tapsyrma berdi.
«Agroónerkásip sektorynyń turaqty damýynyń negizgi faktorlarynyń biri – qoljetimdi nesıeleý. Premer-mınıstr Aýyl sharýashylyǵy mınıstrligi men «Báıterek» holdıngine tez arada ótinimder pýlyn jınaqtap, 1 jeltoqsannan bastap 2025 jylǵy kóktemgi egis jáne jıyn-terim jumystaryn sapaly júrgizý úshin dıhandardy qarjylandyrý jumystaryna kirisýdi tapsyrdy. Azyq-túlik korporaııasy fermerlerden astyqty qolaıly baǵamen tikeleı satyp alýdy qamtamasyz etýi kerek»,- delingen aqparatta.
