Premer-mınıstr Qazaqstandaǵy eń uzyn kópirdiń qurylysymen tanysty

Foto: ashyq derekkóz

Oljas Bektenov Buqtyrma sý qoımasy arqyly ótetin Qazaqstandaǵy eń uzyn kópir qurylysynyń barysymen tanysty.

 Úkimet basshysy Oljas Bektenov Shyǵys Qazaqstan oblysyna jumys sapary barysynda jol-kólik salasyn damytý josparlarymen tanysyp, Buqtyrma sý qoımasyndaǵy Kúrshim kópir ótkeliniń qurylys qarqynyn tekserdi. Joba Prezıdenttiń tapsyrmasy boıynsha birneshe aýdannyń óńirdiń ortalyǵymen kólik qatynasyna baılanysty turǵyndardyń ótinishterin eskere otyryp iske asyrylýda.

50 jyl boıy Shyǵys Qazaqstan oblysynyń Marqakól, Kúrshim, Kókpekti jáne Qaton-Qaraǵaı aýdandary arasyndaǵy kólik qatynasy jazǵy ýaqytta parom arqyly, qys mezgilinde muz ústimen júzege asyrylyp keldi. 2019 jyly aýqymdy áleýmettik mańyzy bar jobany – avtokópir ótkelin salý mindeti qoıylǵan bolatyn. Atalǵan jumys 2021 jyly bastaldy.

Úkimet basshysyna búginde kópirdiń barlyq tirekteri ornatylyp, aralyq qurylystardyń 20 metall konstrýkııasy daıyndaldy, onyń 19-y ornatylǵan, dep habarlady kólik vıe-mınıstri Satjan Ablalıev. Eki jolaqty avtokólik kópiri Qazaqstandaǵy sý ústine salynǵan eń uzyn qurylym bolady – onyń uzyndyǵy 1316 metr, al ótkizý múmkindigi táýligine 80 myń kólikke deıin jetedi. Búgingi tańda nysan 80%-ǵa daıyn. Kópirdi jyl sońynda paıdalanýǵa berý josparlanǵan. Sonymen qatar joba aıasynda uzyndyǵy 18,6 shaqyrym bolatyn kópirge qosylatyn jańa avtojol qurylysy qarastyrylǵan. Búginde 7,7 shaqyrym tómengi jabyn qabaty tóseldi.

Premer-Mınıstr jumysty tezirek aıaqtaýdyń mańyzdy ekenine toqtalyp, kópir qurylysy jobasyn iske asyrý shekara mańyndaǵy aýdandardyń áleýmettik-ekonomıkalyq damýyna serpin beretinin atap ótti. Úkimet basshysy Kólik mınıstrligine oblys ákimdigimen birlesip, qurylystyń ýaqtyly iske qosylýyn jáne joǵary sapasyn qamtamasyz etýdi tapsyrdy.

«Qazir kópirdegi kólik qozǵalysyn iske qosý úshin jumystardy tezirek aıaqtap, barlyq kúshti jumyldyrý kerek. Turǵyndardyń júrip-turýyna qolaıly jaǵdaı jasap, aýdandardyń ózara kólik qatynasyn qamtamasyz etý – búginde ákimdik úshin negizgi basymdyqtardyń biri sanalady. Sonymen qatar kólik-logıstıka salasy elimizdiń ekonomıkalyq damýynyń qozǵaýshy kúshteriniń birine aınalýy tıis. Sondyqtan biz osyndaı ınfraqurylymdyq jobalardy jedel iske asyrýymyz kerek», — dep atap ótti Oljas Bektenov.

Úkimet basshysyna óńirdiń jol-kólik salasyn damytý josparlary týraly baıandaldy. Máselen, 325 shaqyrym respýblıkalyq magıstraldardy rekonstrýkııalaý josparlanǵan, jergilikti mańyzy bar joldardy ortasha jóndeýmen qamtý 600 shaqyrymǵa jetedi.