الەۋمەت جانە قوعام
پرەمەر-مينيستر مينيسترلەرگە قانداي تاپسىرما بەردى?
فوتو: ۇكىمەت
ولجاس بەكتەنوۆ ورتكە قارسى جۇمىستى ۇيىمداستىرۋ بويىنشا بىرقاتار تاپسىرما بەردى, دەپ جازدى qandastar.kz
- توتەنشە جاعدايلار مينيسترلىگىنە ەكولوگيا مينيسترلىگىمەن جانە باسقا دا مۇددەلى مەملەكەتتىك ورگاندارمەن بىرلەسىپ, مامىر ايىنىڭ سوڭىنا دەيىن تابيعي ورتكە قارسى رەسپۋبليكالىق كوماندالىق-شتابتىق وقۋ-جاتتىعۋلاردى ۇيىمداستىرۋ جانە وتكىزۋ تاپسىرىلدى;
- ەكولوگيا مينيسترلىگىنىڭ الدىنا اكىمدىكتەرمەن بىرگە تابيعات قورعاۋ جانە ورمان شارۋاشىلىعى مەكەمەلەرىن ودان ءارى جاراقتاندىرۋ جۇمىستارىن جالعاستىرۋ مىندەتى قويىلدى;
- ەكولوگيا جانە تابيعي رەسۋرستار مينيسترلىگى اكىمدىكتەرمەن, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن جانە «قازاقتەلەكوم» كومپانياسىمەن بىرلەسىپ, ءورتتى ەرتە انىقتاۋ جانە ءورشۋ جاعدايىن, سونداي-اق ونى ءسوندىرۋ الگوريتمدەرىن مودەلدەۋ جۇيەلەرىنىڭ قامتۋ اۋقىمىن ۇلعايتۋ;
- اكىمدىكتەر ەلدى مەكەندەردە ءورت ءسوندىرۋ بەكەتتەرى مەن ەرىكتى ورتكە قارسى قۇرىلىمداردى ۇيىمداستىرۋ جونىندەگى جۇمىستى جالعاستىرۋى, وڭىرلەردە اۆياتسيانى تارتۋ ءۇشىن جانار-جاعارماي ماتەريالدارىنىڭ قاجەتتى قورىن قامتاماسىز ەتۋى, بيىل 10 مامىرعا دەيىن ءورت ءسوندىرۋ كولىكتەرى مەن تىكۇشاقتارعا قاجەتتى سۋ كوزدەرىن دايىنداۋى قاجەت;
- ءورت قاۋپى جوعارى كەزەڭدە ىشكى ىستەر مينيسترلىگىنە دەمالۋشىلاردىڭ ورماندا بولۋىنا تىيىم سالۋ جونىندە شارالار قابىلداۋ تاپسىرىلدى;
- توتەنشە جاعدايلار, ەكولوگيا جانە تابيعي رەسۋرستار, مادەنيەت جانە اقپارات مينيسترلىكتەرى, اكىمدىكتەر – ءورت قاۋىپسىزدىگى تالاپتارىن ساقتاۋ ماسەلەسى بويىنشا حالىق اراسىندا ءتۇسىندىرۋ جۇمىستارىن جانداندىرسىن.
