جاڭالىقتار
پرەمەر-مينيستر ولجاس بەكتەنوۆ قازاقستان ايەلدەرىن مەرەكەمەن قۇتتىقتادى
وسىعان وراي پرەمەر-مينيستر ولجاس بەكتەنوۆ ايەلدەر قاۋىمىن مەرەكەمەن قۇتتىقتادى.
اياۋلى انالار!
قىمباتتى ارۋلار!
سىزدەردى 8 ناۋرىز – حالىقارالىق ايەلدەر كۇنى مەرەكەسىمەن شىن جۇرەكتەن قۇتتىقتايمىن!
ايەل وتباسىنىڭ بەرەكەسى عانا ەمەس, ول – بارشا تىرشىلىك اتاۋلىنىڭ تىرەگى. حالقىمىز اق جاۋلىقتى انالارىمىز بەن سۇيىكتى ارۋلارىمىزدى «اق بەسىكتىڭ يەسى, شاڭىراقتىڭ كيەسى» دەپ اركەز ايالاپ وتكەن. رۋحى مىقتى, ءبىلىمدى, ەڭبەكقور ۇلتتىڭ بولاشاعى دا, ءبىرىنشى كەزەكتە كيەلى انا اتىمەن تىكەلەي بايلانىستى.
بۇگىندە ايەلدەر قاۋىمى كەمەل ۇرپاق تاربيەلەپ, وتباسىلىق قۇندىلىقتاردى ۇلىقتاۋمەن بىرگە, ەكونوميكانىڭ بارلىق سالاسىنىڭ دامۋىنا دا ەلەۋلى ۇلەس قوسىپ كەلەدى. ەندەشە, ەڭسەلى ەلدىگىمىزدى تەربەتىپ, جانكەشتى ەڭبەكتىڭ ۇلگىسىن كورسەتىپ وتىرعان انالارىمىزعا تاعزىم ەتۋ ءبىزدىڭ ءبارىمىزدىڭ قاستەرلى پارىزىمىز بولىپ قالا بەرمەك.
ىزگىلىك پەن اسەمدىكتىڭ بەرەكە-باستاۋى بولعان وسىناۋ شۋاقتى مەرەكە بارشاڭىزدىڭ جۇرەكتەرىڭىزگە جىلۋ سىيلاسىن.
سىزدەرگە زور دەنساۋلىق, وتباسىلارىڭىزعا باقىت, ەڭبەكتەرىڭىزگە تولايىم تابىس تىلەيمىن.
مەرەكەلەرىڭىز قۇتتى بولسىن! – دەدى پرەمەر-مينيستر ولجاس بەكتەنوۆ.
