پرەمەر-مينيستر وتاندىق كاسىپكەرلەردى قولداۋ شارالارىن پىسىقتادى

فوتو: اشىق دەرەككوز

پرەمەر-مينيستر ولجاس بەكتەنوۆ مەملەكەت باسشىسىنىڭ وتاندىق كاسىپكەرلىك سۋبەكتىلەرىن مەملەكەتتىك قولداۋ شارالارىنىڭ اشىقتىعى مەن تيىمدىلىگىن ارتتىرۋعا قاتىستى تاپسىرمالارىن ورىنداۋ ماسەلەسى بويىنشا جۇمىس كەڭەسىن وتكىزدى, دەپ جازادى qandastar.kz

نەگىزگى مىندەت – مەملەكەتتىك ساتىپ الۋلار مەن مەملەكەتتىك قولداۋ شارالارىنا باسىم قولجەتىمدىلىگى بار كاسىپكەرلىك سۋبەكتىلەرىن ساناتتارعا ءبولى ءادىسناماسىن تسيفرلاندىرۋ. بۇل رەتتە مەملەكەتتىك قولداۋ الاتىن كاسىپكەرلىك سۋبەكتىلەرىنىڭ ءوزارا مىندەتتەمەلەرىن قاجەت. ءونىم ساپاسى, ەلىمىزدەگى ءوندىرىستى لوكاليزاتسيالاۋعا جانە قازاقستاندىق قامتۋ ۇلەسى, سونداي-اق كاسىپورىننىڭ ءوڭىر مەن ەلىمىزدىڭ الەۋمەتتىك-ەكونوميكالىق دامۋىنا ودان ءارى قوسقان ۇلەسىنە باسا نازار اۋدارىلۋدا. تسيفرلىق فورمات سىبايلاس جەمقورلىق تاۋەكەلدەرىن جانە ادامي فاكتوردىڭ اسەرىن جويۋعا مۇمكىندىك بەرەدى.

بۇگىنگى تاڭدا ۇكىمەت مەملەكەتتىك قولداۋ شارالارىنىڭ ونەركاسىپ سالاسىن دامىتۋعا اسەرىن كەڭەيتىلگەن تالداۋ جۇرگىزىلەدى. جاڭا اقپاراتتىق پلاتفورما كاسىپكەرلىك بەلسەندىلىك بويىنشا دەرەكتەردى مەملەكەتتىك قولداۋ شارالارىن العانعا دەيىن جانە ودان كەيىن ديناميكادا كورسەتەدى.

پلاتفورمادا وتاندىق كاسىپورىندار, ولاردىڭ جۇكتەمەسى, شىعارىلاتىن ونىمدەر, سىرتقى ساۋدا قىزمەتى, قىزمەتكەرلەر سانى, سونداي-اق ولارمەن جاسالعان شارتتار, ونىڭ ىشىندە ۇزاق مەرزىمدى جانە وفتەيك-كەلىسىمشارتتار تۋرالى دەرەكتەر بار. جۇيە مەملەكەتتىك ورگاندارعا پرواكتيۆتى فورماتتا تالداۋ, مونيتورينگ جۇرگىزۋگە جانە بيزنەسكە ۋاقتىلى قولداۋ كورسەتۋ ءۇشىن باسقارۋشىلىق شەشىمدەر قابىلداۋعا مۇمكىندىك بەرەدى.

ونەركاسىپ جانە قۇرىلىس ءمينيسترى قانات شارلاپاەۆ 2 مىڭنان استام وتاندىق كاسىپورىننىڭ دەرەكتەر جۇيەسىنە جۇكتەلگەنى تۋرالى باياندادى, وتاندىق ءونىمدى الەۋەتتى ساتىپ الۋشىلار سانالاتىن رەتتەلەتىن ساتىپ الۋ سۋبەكتىلەرى — كومپانيالار تۋرالى مالىمەتتەر بار, سونداي-اق جەر قويناۋىن پايدالانۋشىلار مەن بيزنەس اراسىندا جاسالعان ۇزاق مەرزىمدى شارتتار تۋرالى اقپارات جۇكتەلگەن.

Smart Data Ukimet اقپاراتتىق-تالداۋ جۇيەسى نەگىزىندە ازىرلەنگەن پلاتفورما بۇرىن شاشىراڭقى اقپاراتتىق جۇيەلەردەن الىنعان دەرەكتەردى بىرىكتىرەدى جانە جۇيەلەيدى. ول قارجى, ەڭبەك جانە الەۋمەتتىك قورعاۋ مينيسترلىكتەرىنىڭ, سك-فارماتسيا, «سامۇرىق-قازىنا كەلىسىمشارت» جشس, ەلەكتروندىق ساتىپ الۋلار, كۆازيمەملەكەتتىك سەكتوردىڭ (Mitwork) جانە جەر قويناۋىن پايدالانۋشىلاردىڭ (NadLock) رەتتەلەتىن ساتىپ الۋلارىنىڭ بازالارىمەن تولىق ينتەگراتسيالانعان. سونىمەن قاتار «دامۋ» كاسىپكەرلىكتى دامىتۋ قورى مەن «بايتەرەك» حولدينگىنىڭ قازاقستاندىق كاسىپورىندارعا كورسەتىلەتىن قولداۋ شارالارى تۋرالى دەرەكتەرى جۇكتەلدى. اقپاراتتى جاڭارتۋ ونلاين رەجيمىندە جۇزەگە اسىرىلادى.

تسيفرلىق دامۋ, يننوۆاتسيالار جانە اەروعارىش ونەركاسىبى, دەنساۋلىق ساقتاۋ, قارجى مينيسترلىكتەرىنىڭ باسشىلارى دا پلاتفورمانى تولتىرۋ جانە پراكتيكالىق قولدانۋ بويىنشا اتقارىلعان جۇمىستار تۋرالى باياندادى.