Prezıdent 9 memlekettiń elshisinen senim gramotalaryn qabyldady

Foto: Aqorda

Toǵyz eldiń tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti, – dep habarlaıdy qandastar.kz Aqordaǵa silteme jasap.

Senim gramotalaryn Kıpr Respýblıkasynyń elshisi Petros Nakýzıs, Japonııa elshisi Iasýmasa Iıdjıma, Qytaı Halyq Respýblıkasynyń elshisi Han Chýnlın, Aýstrııa Respýblıkasynyń elshisi Andrea Baher, Býrkına-Faso elshisi Arıstıd Rapýgdondba Lıýdovık Tapsoba, Laos Halyq Demokratııalyq Respýblıkasynyń elshisi Sıphandon Oıbýabýddı, Jańa Zelandııa elshisi Mark Djýlıan Treınor, Danııa Koroldiginiń elshisi Iesper Var, Slovenııa Respýblıkasynyń elshisi Alenka Sýhadolnık tabystady.

Prezıdent elimiz jahandyq jáne óńirlik deńgeıdegi tynyshtyq pen qaýipsizdikti qoldaýǵa baǵyttalǵan beıbitsúıgish saıasat ustanatynyn jetkizdi. Bul – Qazaqstannyń syrtqy saıasattaǵy basty baǵdary.

Qasym-Jomart Toqaevtyń aıtýynsha, Qazaqstan álemdik aýqymdaǵy is-sharalar men kezdesýlerge uıytqy bola otyryp, halyqaralyq arenadaǵy belsendi oıynshyǵa aınaldy. О́ńirdegi iri ekonomıkasy bar el retinde túrli memleketterden ınvestıııany kóptep tartyp otyr. Sondaı-aq Qazaqstan naryǵy ekonomıkalyq yntymaqtastyqqa ashyq.

Kezdesý sońynda Prezıdent elshilerdiń resmı túrde dıplomatııalyq mıssııalarynyń bastalýymen quttyqtap, olardyń memleketter basshylaryna ystyq yqylasyn jetkizdi.