Prezıdent AES qurylysyn jedeldetý kerektigin aıtty

Foto: Aqorda

Qasym-Jomart Toqaev elimizdiń áleýmettik-ekonomıkalyq damýynda aıtarlyqtaı jetistikke jetý úshin Úkimet músheleri batyl sheshim qabyldaýy kerek ekenin atap ótti, dep jazady qandastar.kz

«Aldymyzda turǵan maqsattar óte mańyzdy. Eń bastysy, Memleket basshysy bergen tapsyrmalardyń oryndalý barysyn muqııat baqylaýda ustaý qajet. Bul ortalyqtyń negizgi maqsaty – reformalardyń tıimdiligin arttyrý. Prezıdent Ákimshiligi Basshysynyń birinshi orynbasary Darhan Satybaldy osy jumysty qadaǵalaıdy. Mınıstrler de, ákimder de batyl sheshim qabyldaýǵa daıyn bolýǵa tıis. Men osyǵan deıin Úkimettiń aldyna naqty mindet qoıdym. Elimizdiń áleýmettik-ekonomıkalyq damýyna qatysty máseleler boıynsha barynsha derbes sheshim qabyldanýǵa tıis. Naqty nátıjelerdi talap etemin», – dedi Memleket basshysy.

Prezıdent mınıstrler men basshylardy birqatar mindetterdi nazarda ustaýǵa shaqyrdy.

«Biz qazir iri ınfraqurylymdyq jobalarǵa, ıfrlandyrýǵa, jasandy ıntellekt pen ıadrolyq energetıkaǵa basa mán berip jatyrmyz. Sebebi munyń bári – memleketimizdiń negizgi strategııalyq damý baǵyttary. Úkimet osy mańyzdy máselelerdi jumys barysynda mindetti túrde eskerýge tıis», – dedi Prezıdent.

Qasym-Jomart Toqaev atom energetıkasyn damytý perspektıvasyna da toqtaldy.

«Atom elektr stanııasynyń qurylysyn jedeldetý kerek. Men Ana tili gazetine bergen suhbatymda eki úlken stanııa salatynymyzdy aıttym. Olardyń sany tipti úsheý bolýy da múmkin. Qazaqstandy ıadrolyq energetıkasy damyǵan, jasandy ıntellekt qoldanylatyn, ıfrlandyrý tolyq kólemde júrgizilgen elge aınaldyrýymyz kerek», – dedi Memleket basshysy.