پرەزيدەنت اەس تۋرالى نە ايتتى?

فوتو: اشىق دەرەككوز

پرەزيدەنت قاسىم-جومارت توقاەۆ حالىققا جولداۋىندا ەلدىڭ ەنەرگەتيكالىق تاۋەلسىزدىگىن قامتاماسىز ەتۋ ماقساتىندا جاڭا اتوم ەلەكتر ستانتسيالارىن سالۋدى جوسپارلاۋ قاجەتتىگىن اتاپ ءوتتى, دەپ حابارلايدى qandastar.kz

مەملەكەت باسشىسى قازىردىڭ وزىندە ەكىنشى, ءتىپتى ءۇشىنشى اتوم ستانتسياسىن سالۋدى جوسپارلاۋ كەرەك ەكەنىن ايتتى. ونىڭ سوزىنشە, قىتاي حالىق رەسپۋبليكاسىنىڭ توراعاسى سي تسزينپينمەن وتكەن كەزدەسۋدە ەكى ەل اتوم سالاسىنداعى ستراتەگيالىق ارىپتەستىككە ەرەكشە ءمان بەردى.

– قازاقستان ءوز ەنەرگەتيكالىق ەگەمەندىگىن قامتاماسىز ەتۋ ءۇشىن الەمدىك جەتەكشى كومپانيالارمەن ءوزارا ءتيىمدى ىنتىماقتاستىققا دايىن, – دەدى توقاەۆ.

پرەزيدەنت, سونىمەن بىرگە, قازاقستاننىڭ مول كومىر قورىن ءتيىمدى پايدالانۋدىڭ ماڭىزدىلىعىن ايتتى.

– ەلدەگى ساپالى كومىر قورى زور. سوندىقتان ونىڭ ەكولوگيالىق تۇرعىدان تازا ءارى زاماناۋي تەحنولوگيالاردى قولدانۋ ارقىلى دامۋىنا باسا نازار اۋدارۋ قاجەت. تابيعي ارتىقشىلىقتارىمىزدى ەلدىڭ دامۋى ءۇشىن ءتيىمدى پايدالانۋىمىز كەرەك, – دەدى مەملەكەت باسشىسى.