Prezıdent AES týraly ne aıtty?

Foto: ashyq derekkóz

Prezıdent Qasym-Jomart Toqaev halyqqa joldaýynda eldiń energetıkalyq táýelsizdigin qamtamasyz etý maqsatynda jańa atom elektr stanııalaryn salýdy josparlaý qajettigin atap ótti, dep habarlaıdy qandastar.kz

Memleket basshysy qazirdiń ózinde ekinshi, tipti úshinshi atom stanııasyn salýdy josparlaý kerek ekenin aıtty. Onyń sózinshe, Qytaı Halyq Respýblıkasynyń tóraǵasy Sı zınpınmen ótken kezdesýde eki el atom salasyndaǵy strategııalyq áriptestikke erekshe mán berdi.

– Qazaqstan óz energetıkalyq egemendigin qamtamasyz etý úshin álemdik jetekshi kompanııalarmen ózara tıimdi yntymaqtastyqqa daıyn, – dedi Toqaev.

Prezıdent, sonymen birge, Qazaqstannyń mol kómir qoryn tıimdi paıdalanýdyń mańyzdylyǵyn aıtty.

– Eldegi sapaly kómir qory zor. Sondyqtan onyń ekologııalyq turǵydan taza ári zamanaýı tehnologııalardy qoldaný arqyly damýyna basa nazar aýdarý qajet. Tabıǵı artyqshylyqtarymyzdy eldiń damýy úshin tıimdi paıdalanýymyz kerek, – dedi memleket basshysy.