جاڭالىقتار
پرەزيدەنت ايدا بالاەۆانى قابىلدادى
پرەزيدەنتكە مادەنيەت جانە اقپارات مينيسترلىگىنىڭ اتقارعان جۇمىستارىنىڭ ناتيجەسى, سونداي-اق ۆەدومستۆونىڭ الداعى قىزمەتى بارىسىندا قولدانىلاتىن پەرسپەكتيۆتى تاسىلدەر جونىندە باياندالدى, دەپ حابارلايدى اقوردانىڭ ءباسپاسوز قىزمەتى. قاسىم-جومارت توقاەۆقا اقپارات, مادەنيەت, كرەاتيۆتى يندۋستريا, ازاماتتىق قوعام, ءدىن, ەتنوسارالىق قارىم-قاتىناس, جاستار جانە وتباسىلىق-دەموگرافيالىق ساياسات سالالارىندا قابىلدانىپ جاتقان شارالار تۋرالى مالىمەت بەرىلدى. ايدا بالاەۆا ۆەدومستۆونىڭ جەتەكشىلىك ەتەتىن سالالارىن دامىتۋعا قاتىستى جوسپارىن ايتتى. كەزدەسۋ سوڭىندا مەملەكەت باسشىسى مينيسترلىككە مادەني-تاريحي نىسانداردىڭ ينفراقۇرىلىمىن دامىتۋ, شىعارماشىلىقتى قولداۋ, قازاقستاننىڭ مادەنيەتىن شەتەلدە دارىپتەۋ سەكىلدى بىرقاتار ناقتى مىندەت جۇكتەدى. بۇدان بولەك, كرەاتيۆتى يندۋستريانى ينستيتۋتسيونالدىق تۇرعىدا قولداۋ جانە اتالعان سالانى جەدەل دامىتۋ جۇمىستارىن جانداندىرۋ تاپسىرىلدى.
