Jańalyqtar
Prezıdent Aıda Balaevany qabyldady
![](https://qandastar.kz/wp-content/uploads/2024/05/IMG_6046-780x405.jpeg)
Prezıdentke Mádenıet jáne aqparat mınıstrliginiń atqarǵan jumystarynyń nátıjesi, sondaı-aq vedomstvonyń aldaǵy qyzmeti barysynda qoldanylatyn perspektıvti tásilder jóninde baıandaldy, dep habarlaıdy Aqordanyń baspasóz qyzmeti. Qasym-Jomart Toqaevqa aqparat, mádenıet, kreatıvti ındýstrııa, azamattyq qoǵam, din, etnosaralyq qarym-qatynas, jastar jáne otbasylyq-demografııalyq saıasat salalarynda qabyldanyp jatqan sharalar týraly málimet berildi. Aıda Balaeva vedomstvonyń jetekshilik etetin salalaryn damytýǵa qatysty josparyn aıtty. Kezdesý sońynda Memleket basshysy mınıstrlikke mádenı-tarıhı nysandardyń ınfraqurylymyn damytý, shyǵarmashylyqty qoldaý, Qazaqstannyń mádenıetin shetelde dáripteý sekildi birqatar naqty mindet júktedi. Budan bólek, kreatıvti ındýstrııany ınstıtýıonaldyq turǵyda qoldaý jáne atalǵan salany jedel damytý jumystaryn jandandyrý tapsyryldy.