Prezıdent: álimjettikke, býllıngke qarsy DosbolLIKE atty baǵdarlama iske qosylady

Foto: Aqorda

Memleket basshysy Qasym-Jomart Toqaev tamyz konferenııasynyń plenarlyq otyrysynda sóıledi, dep habarlaıdy qandastar.kz Dalanews.kz-ke silteme jasap.

«Zorlyq-zombylyqqa, álimjetikke, ıaǵnı býllıngke, qatigezdik pen ozbyrlyqqa múlde jol berilmeýi kerek. Sońǵy eki jylda óskeleń urpaqtyń quqyǵyn qorǵaý úshin naqty sharalar qabyldandy. Kámelet jasyna tolmaǵandarǵa qatysty jasalǵan kez kelgen zorlyq-zombylyq úshin beriletin jaza qataıdy, bala quqyqtary jónindegi ýákildiń quzireti keńeıdi. Sondaı-aq, taǵy bir ózekti másele. Balalardyń óz-ózine qol jumsaý jaǵdaılarynyń, ıaǵnı sýııdtiń aldyn alý boıynsha júıeli jumys istelip jatyr. Elimizdegi barlyq mektepte 111 psıhologııalyq qoldaý qyzmetiniń QR-kody ornatyldy», — dedi Toqaev.

Jańa oqý jylynan bastap mektepter men kolledjderde álimjettikke, býllıngke qarsy DosbolLIKE atty baǵdarlama iske qosylady.

«Negizgi maqsat – balalar men jetkinshekter arasyndaǵy zorlyq-zombylyqtyń aldyn alý. Bul baǵyttaǵy mańyzdy jumys toqtamaıdy, jasóspirimderdiń quqyǵy men múddesin qorǵaý máselesi árdaıym memleket nazarynda bolady. «Ne ekseń, sony orasyń» degen. Qazir biz bir qoǵam bolyp jas urpaqtyń boıyna qandaı qundylyqtardy sińirsek, erteń ondaǵan jyldan keıin ultymyzdyń sapasy da sondaı bolmaq. Ádiletti, Ozyq, Taza, Qaýipsiz jáne Qýatty Qazaqstannyń irgesi mektepte qalanady», — dedi Prezıdent.