پرەزيدەنت ءاليا مولداعۇلوۆانىڭ مەموريالدىق ەسكەرتكىش كەشەنىنە گۇل شوعىن قويدى

پرەزيدەنت قاسىم-جومارت توقاەۆ كەڭەس وداعىنىڭ باتىرى ءاليا مولداعۇلوۆانىڭ مەموريالدىق ەسكەرتكىش كەشەنىنە گۇل شوعىن قويىپ, ونىڭ رۋحىنا ءبىر مينۋت ۇنسىزدىكپەن تاعزىم ەتتى.

بيىل قازاقتىڭ قايسار قىزىنىڭ تۋعانىنا – 100 جىل.

سودان كەيىن مەملەكەت باسشىسى ءاليا مولداعۇلوۆانىڭ ەسكەرتكىشى جانىندا جەرگىلىكتى جۇرتشىلىقپەن كەزدەستى.

– ءاليا مولداعۇلوۆا – حالقىمىزدىڭ قايسار قىزى. بۇگىن 100 جىلدىعىنا وراي ارنايى كەلدىم. بۇل, ەڭ الدىمەن, ازاماتتىق بورىشىم. تاعزىم ەتۋ ءۇشىن كەلىپ وتىرمىن. بارشاڭىزعا كوپ راقمەت. ءاليانىڭ ەسىمىن حالقىمىزدىڭ اراسىندا, شەتەلدە كەڭ اۋقىمدا دارىپتەۋىمىز كەرەك. ول – ءبىزدىڭ ماقتانىشىمىز. سوندىقتان ونىڭ ەسىمى ءبىزدىڭ جادىمىزدا ماڭگى ساقتالادى, – دەدى قاسىم-جومارت توقاەۆ.

سونداي-اق پرەزيدەنت قازىرگى الماعايىپ زاماندا بىرلىكتى, تاتۋلىقتى ساقتاۋ وتە ماڭىزدى ەكەنىنە نازار اۋداردى.