جاڭالىقتار
پرەزيدەنت اتىراۋ وبلىسىنداعى سۋ تاسقىنىنا بايلانىستى تاپسىرما بەردى
پرەمەر-مينيستر, سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى زارداپتارىن جويۋ جونىندەگى رەسپۋبليكالىق شتاب جەتەكشىسى ولجاس بەكتەنوۆ مەملەكەت باسشىسى قاسىم-جومارت توقاەۆتى ەلدەگى سۋ تاسقىنى جاعدايى مەن احۋالدى تۇراقتاندىرۋ بويىنشا قابىلدانىپ جاتقان شارالار تۋرالى ۇنەمى حاباردار ەتىپ وتىر.
پرەزيدەنت تاپسىرماسى بويىنشا, ولجاس بەكتەنوۆ بۇگىن اقتوبە جانە شىعىس قازاقستان وبلىستارىنا باردى. سونداي-اق وڭىرلىك شتاب جەتەكشىلەرىنىڭ قاتىسۋىمەن سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى زارداپتارىن جويۋ جونىندەگى رەسپۋبليكالىق شتاب وتىرىسىن وتكىزدى.
پرەمەر-ءمينيستردىڭ تاپسىرماسى بويىنشا ۆيتسە-پرەمەر, سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى زارداپتارىن جويۋ جونىندەگى رەسپۋبليكالىق شتاب جەتەكشىسىنىڭ ورىنباسارى قانات بوزىمباەۆ اتىراۋ وبلىسىنا, توتەنشە جاعدايلار ءمينيسترى شىڭعىس ءارىنوۆ قوستاناي وبلىسىنا جىبەرىلدى. مىندەت — سۋ تاسقىنى جاعدايىن تۇراقتاندىرۋ بويىنشا جەرگىلىكتى جۇمىستاردى ۇيلەستىرۋ.
