الەم جاڭالىقتارىجاڭالىقتار
پرەزيدەنت ازەربايجاننىڭ سىرتقى ىستەر ءمينيسترىن قابىلدادى
فوتو: اقوردا
دجەيحۋن بايراموۆ ازەربايجاندىق اۋە جەلىسىنە تيەسىلى ۇشاقتىڭ اقتاۋداعى اپاتى كەزىندە جەدەل كومەك كورسەتكەنى ءۇشىن قازاقستان تاراپىنا پرەزيدەنت يلحام اليەۆ پەن ازەربايجان حالقىنىڭ اتىنان العىس ايتتى, دەپ جازدى qandastar.kz
– ءسىزدىڭ ساپارىڭىزدىڭ باۋىرلاس ازەربايجان ەلىمەن ىنتىماقتاستىعىمىزدى ودان ءارى ىلگەرىلەتۋ تۇرعىسىنان ءمانى زور. ءبىز ءۇشىن ازەربايجانمەن قارىم-قاتىناس ەرەكشە ماڭىزعا يە. ءبىز ءسىزدىڭ ەلىڭىزدى سەنىمدى ستراتەگيالىق سەرىكتەس جانە وداقتاس رەتىندە قاراستىرامىز, – دەدى قاسىم-جومارت توقاەۆ.
كەزدەسۋدە اۋقىمدى ستراتەگيالىق جوبالاردى جۇزەگە اسىرۋ, سونىڭ ىشىندە كاسپي تەڭىزىنىڭ تابانى ارقىلى تالشىقتى-وپتيكالىق بايلانىس پەن سۋاستى ەلەكتر جەلىسىن تارتۋ ماسەلەلەرى تالقىلاندى.
