پرەزيدەنت: «باعاناشىلداعى» بالالار وبلىسقا كوشىرىلمەيدى

فوتو: Orda.kz

مەملەكەت باسشىسى قاسىم-جومارت توقاەۆ الماتىداعى «باعاناشىل» بالالار ءۇيىن قوناەۆ قالاسىنا كوشىرۋ تۋرالى شەشىممەن تانىسىپ, اتالعان مەكەمە تاربيەلەنۋشىلەرىنىڭ قۇقىقتارىن قورعاۋ ماقساتىندا ناقتى تاپسىرمالار بەردى. شۋلzى وقيعاعا قاتىستى قابىلدانعان شەشىم جايلى ونىڭ حاتشىسى رۋسلان جەلدىباي جازدى, دەپ حابارلايدى qandastar.kz

«باعاناشىل» بالالار ءۇيىنىڭ تاربيەلەنۋشىلەرىن الماتىدان قوناەۆ قالاسىنا كوشىرۋگە بايلانىستى جاعدايمەن تانىسقان قاسىم-جومارت توقاەۆ الماتى قالاسىنىڭ اكىمى دارحان ساتىبالدىعا وقۋشىلاردىڭ وڭتۇستىك استانادا ءبىلىم الۋىن جالعاستىرۋ ءۇشىن بالالار ۇيىنە جوندەۋ جۇمىستارىن جۇرگىزۋدى جانە اتالعان نىساندى قالانىڭ بالانسىنا الۋدى تاپسىردى», — دەپ جازدى رۋسلان جەلدىباي.

مەملەكەت باسشىسىنىڭ تاپسىرماسىنا سايكەس, بالالار ءۇيى باسقا قالاعا كوشىرىلمەيدى. بۇل شەشىم اتا-اناسىنىڭ قامقورلىعىنسىز قالعان بالالاردىڭ زاڭدى قۇقىقتارى مەن مۇددەلەرىن ساقتاۋعا باعىتتالعان.

پرەزيدەنت اكىمشىلىگى اتالعان جاعدايعا بايلانىستى قىزمەتتىك تەكسەرىس جۇرگىزەتىنىن مالىمدەدى.