Prezıdent Balalar shuǵyl medıınalyq járdem ortalyǵyn aralap kórdi

Memleket basshysy Qasym-Jomart Toqaev Balalar shuǵyl medıınalyq járdem ortalyǵynyń jańa korpýsymen tanysty.

Jańa ǵımarat Emergency halyqaralyq standartyna saı salynǵan ári trıaj júıesine sáıkes táýligine 500-den asa naýqasty qabyldaı alady. Ortalyqta 26 tósek orynǵa eseptelgen reanımaııa jáne qarqyndy terapııa bólimi, dıagnostıka bólimi jáne 4 operaııa blogy bar.

Prezıdentke ortalyqtyń zamanaýı medıınalyq apparattarmen jabdyqtalǵan dıagnostıka kabınetteri, nárestelerge arnalǵan qarqyndy terapııa bólimshesi jáne operaııa bólmeleri tanystyryldy.

Almaty qalasy ákiminiń orynbasary Ásem Núsipovanyń aıtýynsha, 1965 jyly negizi qalanǵan qalalyq balalar aýrýhanasy S.Asfendııarov atyndaǵy Qazaq ulttyq medıınalyq ýnıversıteti pedıatrııa kafedrasynyń klınıkalyq bazasy sanalady. Aýrýhanada tek Almaty qalasynyń ǵana emes, búkil Qazaqstannyń balalary josparly em-dom alady. Respýblıka boıynsha tek osy klınıkada jańa týǵan nárestelerde kezdesetin asqazan artrezııasy, kóket jaryǵy (dıafragmalnaıa gryja), rahıshızıs, gastroshızıs sekildi týabitti dertterdi hırýrgııalyq jolmen emdeý tásilderi jolǵa qoıylǵan. 

Sońǵy úsh jylda bul aýrýhanada emdelýshiler sany 30 paıyzǵa artqan. Sol sebepti qazir Balalar shuǵyl medıınalyq járdem ortalyǵynyń negizgi ǵımaratyn jańartý jáne rekonstrýkııalaý jospary ázirlenip jatyr. Soǵan sáıkes eski korpýstardyń bári kúrdeli jóndeýden ótkizilip, qosymsha ońaltý, otolarıngologııa, aımaqtyq oftolmologııa ortalyqtary jáne jaq-bas súıek hırýrgııasy bólimsheleri ashylmaq. Nátıjesinde staıonardaǵy tósek-oryn sany 350-den 470-ke deıin artady. Sondaı-aq kórsetiletin medıınalyq qyzmetterdiń túri kóbeıip, halyqaralyq standarttar deńgeıindegi sapany qamtamasyz etý múmkindigi paıda bolady.

Memleket basshysy Qasym-Jomart Toqaev medıınalyq mekemeniń qyzmetine tabys tilep, 2 reanımobıl men ınteraktıvti taqtany syıǵa tartty.