جاڭالىقتار
پرەزيدەنت بارشا حريستياندى پاسحا مەرەكەسىمەن قۇتتىقتادى
فوتو: اقوردا
مەملەكەت باسشىسى قاسىم-جومارت توقاەۆ پاسحا مەرەكەسىمەن قۇتتىقتادى, دەپ حابارلايدى qandastar.kz
— قۇرمەتتى وتانداستار! ەلىمىزدە تۇراتىن بارشا حريستيانداردى پاسحا مەرەكەسىمەن قۇتتىقتايمىن! بۇل جارقىن مەيرام جۇرتتى رۋحاني تازارىپ, جاڭارۋعا ۇندەيدى. ءدىندار ادامدارعا ءۇمىت سىيلاپ, ولاردى قۋانىشقا بولەيدى. بيىل پاسحانى دۇنيە جۇزىندەگى پراۆوسلاۆ, كاتوليك جانە پروتەستانت قاۋىمى ءبىر كۇندە اتاپ ءوتىپ جاتىر. مۇنىڭ سيمۆولدىق ءمانى زور, — دەدى پرەزيدەنت.
مەملەكەت باسشىسى باسقا دىندەرمەن قاتار حريستيان ءدىنى دە قوعامدا ماڭىزدى ءرول اتقاراتىنىن ايتتى.
— باسقا دىندەرمەن قاتار حريستيان ءدىنى دە قوعامىمىزدا ماڭىزدى ءرول اتقارادى. ەجەلدەن بيىك گۋمانيستىك يدەالداردى دارىپتەپ كەلە جاتقان پاسحا داستۇرلەرى وتباسىلىق قۇندىلىقتاردى ساقتاۋعا جانە حالقىمىزدىڭ ىنتىماعىن ارتتىرۋعا ىقپال ەتەدى, ازاماتتارىمىزدى مەيىرىمدىلىك پەن كەلىسىمگە شاقىرادى. جالپىۇلتتىق بىرلىك, بارشا ەتنوس پەن كونفەسسيا وكىلدەرى اراسىنداعى تاتۋلىق پەن ءوزارا تۇسىنىستىك قاشاندا قازاقستاننىڭ تۇراقتى ءوسىپ-وركەندەۋىنىڭ مىزعىماس تۇعىرى بولىپ قالا بەرەدى دەپ سەنەمىن. پاسحا مەرەكەسى ءار شاڭىراقتى ماحاببات پەن شاتتىققا كەنەلتسىن! ەلىمىزدىڭ ءار ازاماتىنا زور دەنساۋلىق, باق-بەرەكە جانە تولاعاي تابىس تىلەيمىن, — دەدى قاسىم-جومارت توقاەۆ
