جاڭالىقتار
پرەزيدەنت باسپانا ماسەلەسىن شەشەتىن زاڭعا قول قويدى
فوتو: اشىق دەرەككوز
زاڭ ازاماتتاردىڭ, قانداستاردىڭ تۇرعىن ءۇي جاعدايلارىن جاقسارتۋعا قاتىستى مەملەكەتتىك قولداۋ تەتىكتەرىن جەتىلدىرۋگە باعىتتالعان. ءبىرىنشى بلوك, وتباسى بانكىنىڭ نەگىزىندە تۇرعىن ءۇي كەزەگىنە قويۋدى, ەسەپكە الۋدى جانە ءبولۋدى ءبىر ورتالىقتان جۇزەگە اسىراتىن كەشەندى دامۋ جانە قولداۋ ينستيتۋتىن قۇرۋدى كوزدەيدى, دەپ جازدى qandastar.kz
وتباسى بانكى قوردان جالعا الىنعان ءۇي ءۇشىن جالداۋ اقىسىنىڭ ءبىر بولىگىن سۋبسيديالاۋدى, جەڭىلدەتىلگەن يپوتەكا بەرۋدى جالعاستىرادى.
وتباسى بانك تۇرعىن ءۇيدى ءبولۋ كەزىندە باسپاناعا مۇقتاج ازاماتتاردى ەسەپكە قويۋ كۇنى مەن تابىس دەڭگەيىن ەسكەرەدى. بۇل, الدىمەن, كەزەكتە ۇزاق ۋاقىت تۇرعان ادامداردى ۇيمەن قامتۋعا مۇمكىندىك بەرەدى.
ەكىنشى بلوكتا ۇيگە مۇقتاج ادامدار ءۇشىن قوسىمشا كەپىلدىكتەر ەنگىزۋ قاراستىرىلعان. ءۇشىنشى بلوك مەملەكەتتىڭ قولداۋىمەن بەرىلگەن ءۇيدى يەلەنۋ جانە پايدالانۋ تەتىگىن رەگلامەنتتەيتىن ەرەجەلەردى تولىقتىرادى. ءتورتىنشى بلوك قۇرىلىس, ازاماتتاردىڭ دەپوزيتتەرىنە كەپىلدىك بەرۋ سالاسىنداعى زاڭنامالاردى جەتىلدىرۋگە باعىتتالعان.
