Prezıdent: Beıbitshilik pen qaýipsizdik – búkil adamzatqa ortaq eń basty qundylyqtar

Foto: Vladımır Smırnov / fotohost-agentstvo TASS

Prezıdent Qasym Jomart Toqaev Iadrolyq synaqtarǵa qarsy halyqaralyq is-qımyl kúninde áleýmettik jelidegi paraqshasynda jazba qaldyrdy, dep habarlaıdy qandastar.kz

– Búgin – Iadrolyq synaqtarǵa qarsy halyqaralyq is-qımyl kúni. Bul ataýly kúndi BUU Bas Assambleıasy Qazaqstannyń bastamasymen bekitti. Halqymyz atom qarýyn synaýdan qatty zardap shekti. Mundaı qasiret qaıtalanbaýǵa tıis. Biz keıingi urpaqtyń jarqyn bolashaǵy úshin beıbitshilikti nyǵaıtyp, halyqaralyq áriptestikti damyta túsýimiz kerek. Iadrolyq qarýdan jáne synaqtardan birjola bas tartýǵa kúsh salýymyz qajet. Beıbitshilik pen qaýipsizdik – búkil adamzatqa ortaq eń basty qundylyqtar, – dep jazdy Prezıdent Qasym-Jomart Toqaev óziniń X paraqshasynda.