پرەزيدەنت بىرىككەن ۇلتتار ۇيىمى رەفورمالاۋدى قاجەت ەتەتىنىن مەڭزەدى

اقوردانىڭ حابارلاۋىنشا, 2003 جىلدان بەرى ۇيىمداستىرىلىپ كەلە جاتقان حالىقارالىق جيىن بيىل «ديالوگ, ديپلوماتيا جانە الۋانتۇرلىلىك» (Diplomacy, Dialogue and Diversity) تاقىرىبىنا ارنالدى.

قاتار استاناسىنداعى ايتۋلى ءىس-شارادا گەوساياسات, ەكونوميكالىق دامۋ, جاڭا تەحنولوگيالار,  جاساندى ينتەللەكت, ەنەرگەتيكا جانە ازىق-ت ۇلىك قاۋىپسىزدىگى سەكىلدى وزەكتى ماسەلەلەر تالقىلانادى, سونداي-اق قازىرگى زاماننىڭ نەگىزگى پروبلەمالارىن شەشۋگە باعىتتالعان ۇسىنىس-پىكىرلەر ايتىلادى.

مەملەكەت باسشىسى Newsmaker Interview فورماتىنداعى ارنايى سەسسياعا قاتىسىپ, مودەراتور, سNN ءجۋرناليسى دجۋليا چاتتەرلەيدىڭ سۇراقتارىنا جاۋاپ بەردى.

قازاقستان پرەزيدەنتى, ەڭ الدىمەن, بۇۇ-نىڭ ءتيىمدى قىزمەتىنىڭ ماڭىزى مەن ورتا دەرجاۆالاردىڭ ۋاقىت وتكەن سايىن ارتىپ كەلە جاتقان ءرولى تۋرالى ايتتى.

«بۇۇ امبەباپ ۇيىم رەتىندە ادامزات ءۇشىن وتە قاجەت. سەبەبى ونىڭ بالاماسى جوق. وكىنىشكە قاراي, ءىرى دەرجاۆالار الەمدەگى بەيبىتشىلىك پەن تۇراقتىلىقتى تولىق ساقتاي الماي وتىر. ال بۇگىنگى احۋال كوپتەگەن ەلدى, سونىڭ ىشىندە قازاقستاندى دا الاڭداتادى. سوندىقتان بىرىككەن ۇلتتار ۇيىمى رەفورمالاۋدى قاجەت ەتەدى. ءىرى دەرجاۆالار اراسىندا ىمىرالاستىق بولۋى كەرەك دەپ سانايمىز. ولاردىڭ كەلىسىمگە كەلە الماۋى سالدارىنان قاۋىپسىزدىك كەڭەسى تىعىرىققا تىرەلدى. قازاقستان سياقتى ورتا دەرجاۆالار ايماقتىق دەڭگەيدە, سونداي-اق جاھاندىق كەڭىستىكتە بەيبىتشىلىك پەن قاۋىپسىزدىكتى ىلگەرىلەتۋدە وتە ماڭىزدى ءرول اتقارا الادى», – دەدى قاسىم-جومارت توقاەۆ.