جاڭالىقتار
پرەزيدەنت بىرقاتار ەلشىنى تاعايىندادى
مەملەكەت باسشىسى قازاقستاننىڭ بىرىككەن اراب امىرلىكتەرىندەگى جانە ەفيوپيا فەدەراتيۆتىك دەموكراتيالىق رەسپۋبليكاسىنداعى ەلشىنى تاعايىندادى, دەپ حابارلادى Qandastar.kz.
سونداي-اق پرەزيدەنت تۇركى مەملەكەتتەرى ۇيىمىنداعى تۇراقتى وكىلىن تاعايىندادى.
«قازاقستان رەسپۋبليكاسىنىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى ەركەبۇلان وڭالبەك ۇلى ساپيەۆ قازاقستان رەسپۋبليكاسىنىڭ تۇركى مەملەكەتتەرى ۇيىمى جانىنداعى تۇراقتى وكىلى قىزمەتىن قوسا اتقارۋشى لاۋازىمىنا تاعايىندالدى;
راۋان ءابدىماناپ ۇلى جۇمابەك قازاقستان رەسپۋبليكاسىنىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى لاۋازىمىنا تاعايىندالدى;
بارلىباي كارىم ۇلى سادىقوۆ قازاقستان رەسپۋبليكاسىنىڭ كەنيا رەسپۋبليكاسىنداعى توتەنشە جانە وكىلەتتى ەلشىسى, نايروبي قالاسىنداعى بىرىككەن ۇلتتار ۇيىمىنىڭ بولىمشەسى جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى بولىپ تاعايىندالدى, ول قازاقستان رەسپۋبليكاسىنىڭ ەفيوپيا فەدەراتيۆتىك دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى;
جالعاس جۇما ۇلى ادىلباەۆ قازاقستان رەسپۋبليكاسىنىڭ ەفيوپيا فەدەراتيۆتىك دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى», — دەلىنگەن حابارلامادا.
