قارجى جانە تولەمدەر
پرەزيدەنت بيزنەس وكىلدەرىنە ۇسىنىلاتىن جەڭىلدىكتەردىڭ تۇسىنىكتى بىرىڭعاي ءتىزىمىن ازىرلەۋدى تاپسىردى
سۋرەت: akorda.kz
مۇنداي احۋال نارىقتاعى تەڭدىك شارتتارىن بۇزادى, جەكە باستامالارعا توسقاۋىل بولادى, دەپ قاداپ ايتتى پرەزيدەنت.
«ەلىمىزدە مەملەكەتتىك كاسىپورىنداردى باسقارۋ ساياساتى ءالى دە ءتيىمسىز ەكەنىن مويىنداعان ءجون. ولاردىڭ ماقسات-مىندەتىن, قىزمەت اياسىن, قارجىلاندىرۋ تاسىلدەرىن جانە جۇمىسىنىڭ باسقا دا تۇستارىن ءتيىستى زاڭدارمەن رەتتەۋ قاجەت. سونىمەن بىرگە حولدينگتەر مەن ۇكىمەتتىڭ اراسىنداعى قارجى ماسەلەلەرىنە قاتىستى ۇستانىم تۇراقتى ءارى جۇيەلى بولۋعا ءتيىس.» پرەزيدەنت
مەملەكەت باسشىسىنىڭ سوزىنشە, 2022 جىلعى جولداۋىندا ءبارىن باسىنان باستاپ رەتتەۋدى تاپسىرعان. رەفورمانىڭ ءبىرىنشى كەزەڭىنىڭ وزىندە ورىنسىز ءارى قاجەتسىز 10 مىڭنان استام تالاپتىڭ كۇشى جويىلدى. ونىڭ ءبارى كەزىندە كاسىپكەرلەرگە كەدەرگى كەلتىرگەن ەدى.
«باس پروكۋراتۋرا ءىرى ينۆەستيتسيالىق جوبالاردى جۇزەگە اسىرۋعا قولداۋ كورسەتە باستادى. ينۆەستورلارعا «جاسىل ءدالىز» قاعيداسى بويىنشا جەڭىلدىكتەر بەرىلدى. ەكونوميكالىق قىلمىستاردىڭ ءبىرازى قىلمىس دەپ تانىلمايتىن بولدى. الايدا كاسىپكەرلەردەن مەملەكەتتىك ورگانداردىڭ شەكتەن تىس قاداعالاپ, باقىلايتىنى تۋرالى شاعىمدار ءالى دە ءتۇسىپ جاتىر. ۇكىمەت باس پروكۋراتۋرامەن بىرلەسىپ, ينۆەستيتسيالىق احۋالعا اسەرىن تيگىزەتىن جاعىمسىز ۇردىستەردى جويۋى كەرەك.» قاسىم-جومارت توقاەۆ
