جاڭالىقتار
پرەزيدەنت بولات جامىشەۆتى قابىلدادى
فوتو: اقوردا
قاسىم-جومارت توقاەۆ «قازاقستان حالقىنا» قورىنىڭ توراعاسى بولات جامىشەۆتى قابىلدادى, دەپ جازدى qandastar.kz
قور ءۇش جىلدا جالپى سوماسى 230 ملرد تەڭگە بولاتىن 103 قايىرىمدىلىق جوباسىن قارجىلاندىرعان. ونىڭ ىشىندە 58 جوبا تولىعىمەن اياقتالعان.
اۋىر جانە سيرەك كەزدەسەتىن سىرقاتقا شالدىققان ناۋقاستاردى ءدارى-دارمەكپەن قامتاماسىز ەتۋ ماقساتىندا 461 ادامعا, سونىڭ ىشىندە 342 بالاعا 57,7 ميلليارد تەڭگە بولىنگەن.
تىرەك مەكتەپتەردىڭ الەۋەتىن دامىتۋ جوباسى اياسىندا 135 اۋىل مەكتەبى جاڭعىرتىلدى.
ەلدىمەكەندەردەگى 100 بالالار سپورت زالى جابدىقتالدى.
قور تاسقىننان زارداپ شەككەن بەس وبلىستاعى 627 ءۇيدىڭ قۇرىلىسىن قارجىلاندىردى. قاسىم-جومارت توقاەۆ «قازاقستان حالقىنا» قورىنىڭ جۇمىسىن جوعارى باعالاپ, قايىرىمدىلىق شارالارىنىڭ قازاقستانداعى ازاماتتىق قوعامنىڭ دامۋى مەن الەۋمەتتىك تۇراقتىلىعىن نىعايتۋداعى ماڭىزىن اتاپ ءوتتى.
