Prezıdent Bolat Jámishevti qabyldady

Foto: Aqorda

Qasym-Jomart Toqaev «Qazaqstan halqyna» qorynyń tóraǵasy Bolat Jámishevti qabyldady, dep jazdy qandastar.kz

Qor úsh jylda jalpy somasy 230 mlrd teńge bolatyn 103 qaıyrymdylyq jobasyn qarjylandyrǵan. Onyń ishinde 58 joba tolyǵymen aıaqtalǵan.

Aýyr jáne sırek kezdesetin syrqatqa shaldyqqan naýqastardy dári-dármekpen qamtamasyz etý maqsatynda 461 adamǵa, sonyń ishinde 342 balaǵa 57,7 mıllıard teńge bólingen.

Tirek mektepterdiń áleýetin damytý jobasy aıasynda 135 aýyl mektebi jańǵyrtyldy.

Eldimekenderdegi 100 balalar sport zaly jabdyqtaldy.

Qor tasqynnan zardap shekken bes oblystaǵy 627 úıdiń qurylysyn qarjylandyrdy. Qasym-Jomart Toqaev «Qazaqstan halqyna» qorynyń jumysyn joǵary baǵalap, qaıyrymdylyq sharalarynyń Qazaqstandaǵy azamattyq qoǵamnyń damýy men áleýmettik turaqtylyǵyn nyǵaıtýdaǵy mańyzyn atap ótti.