Prezıdent Búkilálemdik taekvondo federaııasynyń (WT) prezıdentimen kezdesti

Foto: Aqorda

Prezıdent Qasym-Jomart Toqaev Chýngvon Choýdyń sapary Qazaqstannyń sport qaýymdastyǵy úshin mańyzdy oqıǵa sanalatynyn atap ótti. Sondaı-aq bul Búkilálemdik taekvondo federaııasynyń elimizde atalǵan sport túriniń damýyna jan-jaqty qoldaý kórsetýge daıyn ekenin bildiredi, dep jazdy qandastar.kz

Memleket basshysy taekvondo olımpıadalyq sport túri ǵana emes, úılesim, tártip jáne ózara qurmet qaǵıdattaryna negizdelgen, dúnıe júzindegi mıllıondaǵan adamdy biriktiretin fılosofııa dep sanaıdy.

Qasym-Jomart Toqaevtyń aıtýynsha, elordada G1 sanatyndaǵy Kazakhstan Open 2025 halyqaralyq reıtıng týrnırin ótkizý otandyq sportshylardyń kásibı turǵydan shyńdalýyna, tájirıbe almasýyna ári Ulttyq federaııanyń básekege qabilettiligin kóterýge keńinen jol ashady.

Memleket basshysy birlesken kúsh-jigerdiń nátıjesinde Qazaqstanda taekvondonyń tanymaldylyǵy artyp, halyqtar arasyndaǵy baılanys nyǵaıa túsetinine senim bildirdi.

Chýngvon Choý qonaqjaılyq tanytyp, Qazaqstanda taekvondonyń damýyna árdaıym qoldaý kórsetip kele jatqany úshin Prezıdent Qasym-Jomart Toqaevqa alǵys aıtty.

Búkilálemdik federaııa basshysy erteńgi týrnırdiń uıymdastyrylýyna jáne elimizdegi osy sport túrine qyzyǵýshylyq deńgeıine joǵary baǵa berdi. Sonymen qatar qazaq sportshylarynyń halyqaralyq arenadaǵy tabysyna toqtaldy.

Qazaqstan Prezıdenti álemde taekvondonyń damýyna eleýli úles qosqany úshin Chýngvon Choýdy II dárejeli «Dostyq» ordenimen marapattady.