پرەزيدەنت داعدارىستان قۇتىلۋ ءۇشىن جالاقىسىن ەكى ەسەگە تومەندەتتى

فوتو: haqqin.az

مالديۆ رەسپۋبليكاسىنىڭ پرەزيدەنتى موحامەد مۋيززۋ مەملەكەت قارجىسىن ۇنەمدەۋ جانە ەلدەگى داعدارىستى كەزىندە شىعىندى ازايتۋ ساياساتى اياسىندا جالاقىسىن 50%-عا تومەندەتۋ تۋرالى شەشىم قابىلدادى. بۇل تۋرالى qandastar.kz اقپارات اگەنتتىگى The Times of India باسىلىمىنا سىلتەمە جاساپ حابارلايدى.

مۋيززۋ كەڭسەسىنىڭ مالىمەتىنە سايكەس 2025 جىلدان باستاپ ەل باسشىسىنىڭ جالاقىسى 600 مىڭ رۋفي نەمەسە 39 مىڭ دوللار كولەمىندە بولادى. بۇعان دەيىن پرەزيدەنت 1,2 ميلليون رۋفي جالاقى الىپ كەلگەن. ەكى ەسە ازايتقان كۇننىڭ وزىندە پرەزيدەنتتىڭ جالاقىسى ەلدەگى تۇرمىستىق شىعىندار كولەمىنەن ەكى ەسەگە كوپ (316 مىڭ رۋفي).

ءمۋيززۋدىڭ شەشىمىنە سايكەس مەملەكەتتىك مەكەمەلەر مەن مينيسترلىكتەردەگى قىزمەتكەرلەردىڭ جالاقىسى 10%-عا تومەندەيدى. تەك سۋديالار مەن زاڭ ورىنداۋشىلارىنىڭ جالاقىسى وزگەرىسسىز قالادى.