جاڭالىقتار
پرەزيدەنت: ەلىمىزدەگى اۆياتسيالىق قاۋىپسىزدىكتىڭ جاي-كۇيىن مۇقيات تەكسەرۋ قاجەت
فوتو: اقوردا
مەملەكەت باسشىسى اقتاۋداعى اپاتقا بايلانىستى ۇكىمەتتىك كوميسسياعا زارداپ شەككەن شەتەل ازاماتتارىنا قاجەتتى مەديتسينالىق جانە پسيحولوگيالىق تۇرعىدان تولىق كومەك بەرۋدى, قايتىس بولعان قازاقستان ازاماتتارىنىڭ تۋعان-تۋىستارىنا ايرىقشا قامقورلىق كورسەتۋدى تاپسىردى, دەپ جازدى qandastar.kz
ۇكىمەتتىك كوميسسيا مەن باس پروكۋراتۋراعا باسقا قۇزىرەتتى ورگاندارمەن بىرلەسىپ, ۇشاق اپاتىنا جان-جاقتى ءارى وبەكتيۆتى تەرگەۋ جۇرگىزۋ مىندەتى جۇكتەلدى.
پرەزيدەنتتىڭ پىكىرىنشە, بۇل رەتتە اقپاراتتىق ارانداتۋ مەن فەيككە جول بەرمەۋ ماڭىزدى. بۇدان بولەك, قاسىم-جومارت توقاەۆ ەلىمىزدەگى اۆياتسيالىق قاۋىپسىزدىكتىڭ جاي-كۇيىن مۇقيات تەكسەرۋ قاجەت ەكەنىن مالىمدەدى.
كەڭەس بارىسىندا ۇكىمەتتىك كوميسسيا توراعاسى, پرەمەر-ءمينيستردىڭ ورىنباسارى قانات بوزىمباەۆ, باس پروكۋرور بەرىك اسىلوۆ, ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ, ىشكى ىستەر ءمينيسترى ەرجان سادەنوۆ جانە دەنساۋلىق ساقتاۋ ءمينيسترى اقمارال ءالنازاروۆا بايانداما جاسادى.
