Jańalyqtar

Prezıdent elordadaǵy birqatar nysandy aralady

Foto: Aqorda

Qasym-Jomart Toqaev Qazaqstan Respýblıkasy Prezıdenti Arhıviniń jańa ǵımaratyna bardy, dep jazdy qandastar.kz

Memleket basshysynyń tapsyrmasyna saı arhıv Almatydan Astanaǵa kóshirildi. Bul el tarıhyna qatysty qujattar saqtalatyn oryn ǵana emes, bilim jáne ǵylymı-ádistemelik keshen retinde qyzmet kórsetetin Ortalyq Azııadaǵy alǵashqy arhıv bolmaq.

Arnaýly ǵımaratta muraǵat qoımasy, zerthanalar, ınteraktıvti ekspozıııa jáne oqyrman zaldary, jumys bólmeleri men ákimshilik aýmaq ornalasqan. Mundaǵy 24 muraǵat qoımasy qaǵaz júzindegi qujattardy, dybystyq-beınelik jazbalardy saqtaýǵa, sondaı-aq shaǵyn taspalardaǵy jáne elektrondyq qujattardy saqtandyrý qoryn ornalastyrýǵa arnalǵan.

Prezıdent Arhıvinde Qazaqstannyń 1918 jyldan bergi saıası tarıhyna qatysty qujattardyń mol qory jınaqtalǵan. Atap aıtqanda, qorda elimizdiń táýelsiz memleket retinde qalyptasýy, syrtqy jáne ishki saıasaty, halyqaralyq qatynastary, ekonomıkalyq qaıta qurý úrdisteri men áleýmettik-mádenı damýy boıynsha materıaldar bar.

Qasym-Jomart Toqaev Kúlásh Baıseıitova atyndaǵy Qazaq ulttyq óner ýnıversıtetinde júrgizilip jatqan qaıta jóndeý jumystarynyń barysymen tanysty.

Memleket basshysyna jańǵyrtý jumystarynan keıin bas ǵımarattyń kólemi 10 myń sharshy metrge ulǵaıyp, 38 myń sharshy metrge jýyqtaǵany jóninde baıandaldy.

Sonyń nátıjesinde jańa arnaýly aýdıtorııalar ashýǵa múmkindik týdy. Aýqymdy is-sharalar ótkizetin 1100 oryndyq úlken konert zaly paıdalanýǵa beriledi. Budan bólek, oqý korpýsynda akademııalyq mýzykaǵa arnalǵan kameralyq zal, daıyndyq stýdııalary, stýdentter men ózge de sýretshilerdiń týyndylary qoıylatyn kórme galereıalary bar.

 

Ilmekter

Osy aıdarda

Dobavıt kommentarıı

Close