Prezıdent Erbolat Dosaevty qabyldady

Qasym-Jomart Toqaev Almaty qalasynyń ákimi Erbolat Dosaevty qabyldady, dep habarlaıdy qandastar.kz aqparat portaly.

Memleket basshysyna Almatynyń bıylǵy qańtar-aqpan aılaryndaǵy áleýmettik-ekonomıkalyq damýynyń aldyn ala qorytyndylary jáne qalany órkendetýdiń perspektıvasy baıandaldy. Erbolat Dosaevtyń aıtýynsha, atalǵan kezeńde qysqa merzimdi ekonomıkalyq ındıkator 7 paıyzǵa deıin artqan, jyl qorytyndysy boıynsha óńirlik jalpy ónim 6,4 paıyzǵa ósedi dep boljanyp otyr.

Prezıdent tapsyrmasyna sáıkes, Almatyda ekonomıkany ártaraptandyrý jáne ınvestıııa tartý jumystary jalǵasyp jatyr. Qala ákiminiń aıtýynsha, jyl sońyna deıin quny 450 mıllıard teńgeden astam qarajatqa 33 jańa ınvestıııalyq joba iske asyrylady. Bıyl jalpy ınvestıııa kólemi 2,2 trıllıon teńgege jetip, ótken jylmen salystyrǵanda 10 paıyzǵa artady.

Almaty ákimi Memleket basshysynyń bastamasymen qolǵa alynǵan, qorshaǵan ortaǵa uqypty qaraý mádenıetin qalyptastyratyn «Taza Qazaqstan» baǵdarlamasynyń oryndalýy jaıynda málimet berdi. Aýlalar, kóshe-jol jelileri men jasyl aımaqtardy keshendi túrde kútip, baptaý úshin úsh jyldyq kelisimshart tásili engizildi.

Prezıdent buǵan deıin shahardyń ekologııalyq jaǵdaıyn jaqsartý, jyl sońyna deıin qaladaǵy qoǵamdyq kólikterdi ekologııalyq talapqa tolyq saı etý, sondaı-aq Almatynyń kólik qurylymyn qalyptastyrý boıynsha tapsyrma bergen bolatyn. Kezdesýde osy jumystardyń nátıjeleri baıandaldy.

Qasym-Jomart Toqaev Erbolat Dosaevqa ekologııa máselesine den qoıyp, ınjenerlik jáne áleýmettik ınfraqurylymdy jańǵyrtý, jyl sońyna deıin sapaly syrtqy jaryqtandyrýmen qamtamasyz etý mindetin júktedi. Sondaı-aq Almatynyń ornyqty damýyna qatysty bergen tapsyrmalaryn muqııat oryndaý qajet ekenin aıtty.