Prezıdent ınvestor tartýǵa atsalyspaǵan ákimder men mınıstrlerdi synǵa aldy

Foto: Aqorda

Prezıdent joldaýda ekonomıkaǵa salynǵan tikeleı ınvestıııa kólemin azaıtyp almaý úshin osy baǵyttaǵy jumysty kúsheıtý keregin eskertti. Bul týraly qandastar.kz aqparat agenttigi habarlaıdy.

Memleket basshysy keıbir ákimder men mınıstrler ınvestor tartý isine jóndi atsalyspaı otyr dep atap ótti.

“Investıııalyq ahýaldy jáne bıznes júrgizýge qajet jaǵdaıdy jaqsartý jolynda úzdiksiz jumys isteý mańyzdy. Dúnıejúzinde ınvestıııaǵa talas órship turǵan kezde elge qarjy tartý úshin «dál osy jerde jáne dál qazir» qaǵıdasy boıynsha sheshim qabyldaý – eń qajet shara. Sondyqtan úkimet janyndaǵy Investıııa shtabyna aýqymdy quzyret berildi. Bul qadam metaldy tereń óńdeý, munaı-gaz-kómir hımııasy, týrızm, energetıka jáne mashına jasaý sııaqty mańyzdy salalardaǵy jobalardy júzege asyrý qarqynyn arttyrýǵa jol ashty. Ekonomıkaǵa salynǵan tikeleı ınvestıııa kólemin azaıtyp almaý úshin osy baǵyttaǵy jumysty kúsheıtý kerek. Keıbir ákimder men mınıstrler ınvestor tartý isine jóndi atsalyspaı otyrǵanyn atap ótkim keledi. Úkimet bul sharýany retke keltirýge tıis”, – deıdi Toqaev.

Prezıdent aýqymdy jobalardyń tizimin jasaýdy tapsyrdy.

“Ásirese, halyqaralyq qarjy ınstıtýttary qatysatyn jobalarǵa basa nazar aýdarý kerek. Úkimetke halyqaralyq qarjy uıymdary memlekettik-jekemenshik áriptestik tásilimen qarjylandyryp, tolyq júzege asyratyn aýqymdy jobalardyń tizimin jasaýdy tapsyramyn. Men bıyl mamyr aıynda «Ekonomıkany yryqtandyrý sharalary týraly» Jarlyqqa qol qoıdym. Bul qujatta kórsetilgen talaptar múltiksiz oryndalýǵa tıis», – dedi memleket basshysy.