جاڭالىقتار
پرەزيدەنت ىشكى ىستەر مينيسترىنە قانداي تاپسىرما جۇكتەدى?
فوتو: اقوردا
ەرجان سادەنوۆ ەلدەگى كريمينوگەندىك جاعداي جانە ىشكى ىستەر ورگاندارىنىڭ «زاڭ مەن ءتارتىپ» قاعيداتىن ىسكە اسىرۋ بارىسى جونىندە اقپارات بەردى, دەپ جازادى qandastar.kz
سونىمەن قاتار مينيستر ەلىمىزدە قابىلدانعان كەشەندى شارالار ناتيجەسىندە بىلتىر قىلمىس سانى 12,7 مىڭعا ازايعانىن باياندادى. ونىڭ ايتۋىنشا, سوڭعى جىلدارى قىلمىس دەڭگەيىنىڭ, اسىرەسە, كىسى ءولتىرۋ, قاراقشىلىق, توناۋ مەن ۇرلىق سياقتى اسا اۋىر قىلمىس تۇرلەرى كورسەتكىشتەرىنىڭ ايتارلىقتاي تومەندەۋى بايقالادى.
تەرگەۋدىڭ زاماناۋي ادىستەرىن ەنگىزۋ ارقىلى قىلمىستىڭ بارلىق ساناتى بويىنشا اشىلۋى جاقسارا تۇسكەن.
قىلمىسكەرلەردى ىزدەستىرۋ جۇمىستارىنىڭ ناتيجەسى تۋرالى ايتتى. 2024 جىلى پوليتسيا ىزدەۋدە جۇرگەن 1 949 ادامدى ۇستاعان.
ۇيىمداسقان, كيبەر جانە ەسىرتكى قىلمىستارىنا قارسى ءىس-قيمىل, سونداي-اق قۇقىق بۇزۋشىلىقتاردىڭ الدىن الۋ جونىندەگى پرەزيدەنت تاپسىرمالارىنىڭ ورىندالۋ بارىسىن تانىستىردى.
ايتۋىنشا, ۇيىمداسقان قىلمىستىق توپقا قاتىسقانى ءۇشىن 264 ادام قىلمىستىق جاۋاپكەرشىلىككە تارتىلعان. سوڭعى 12 ايدا ەسىرتكى تاراتۋعا قاتىستى اقپارات جاريالاعان 7500-گە جۋىق ينتەرنەت-رەسۋرس انىقتالىپ, 22 تونناعا جۋىق ەسىرتكى اينالىمعا جىبەرىلمەگەن, 64 ەسىرتكى زەرتحاناسى جويىلعان. ينتەرنەت-الاياقتاردىڭ 65 ميلليون قوڭىراۋى بۇعاتتالعان. نومىرلەردى اۋىستىرۋعا ارنالعان 48 SIM-box قۇرىلعىسى اشكەرەلەنگەن. الاياقتاردىڭ 2 ميلليارد تەڭگەدەن استام قارجىنى ەلدەن شىعارۋىنا جول بەرىلمەگەن.
كامەلەت جاسىنا تولماعانداردىڭ قۇقىقتارىن قورعاۋ, كوشى-قوندى باقىلاۋدى كۇشەيتۋ, جول قاۋىپسىزدىگىن قامتاماسىز ەتۋ, قىلمىستىق-اتقارۋ جۇيەسىن جەتىلدىرۋ جونىندەگى شارالار تۋرالى حاباردار ەتتى.
قاسىم-جومارت توقاەۆ ەلدەگى قۇقىقتىق ءتارتىپ پەن قوعامدىق قاۋىپسىزدىك دەڭگەيىن ودان ءارى ارتتىرۋ بويىنشا بىرقاتار تاپسىرما بەردى.
