Jańalyqtar
Prezıdent Qazaqstan halqy Assambleıasynyń XXXIV sessııasynyń plenarlyq otyrysyn
Qazaqstan Prezıdenti Qasym-Jomart Toqaev Qazaqstan halqy Assambleıasynyń XXXIV sessııasynyń plenarlyq otyrysynda elimizdegi sóz bostandyǵy, etnosaralyq kelisim jáne keıbir sheteldik uıymdardyń áreketterine qatysty pikir bildirdi, dep habarlaıdy qandastar.kz
Memleket basshysy qoǵamdaǵy syn men pikir bildirý mádenıetine nazar aýdardy.
«Kúrish pen kúrmekti, konstrýktıvti syn men dálelsiz min taǵýdy, kóńilge tımeıtin parodııa men jıirkenishti qorlaýdy aıyra bilý mańyzdy. Zań aldynda bári teń. Sol sebepti biz elimizdegi etnosaralyq kelisim men beıbitshilikke nuqsan keltiretin kez kelgen arandatýdyń jolyn kesip kelemiz, ári qaraı da qatań tosqaýyl qoıamyz», – dedi Prezıdent.
Toqaev keıbir ózin quqyq qorǵaýshy, bloger nemese jýrnalıst retinde kórsetetin tulǵalardyń áreketterine toqtalyp, olardyń shynaıy maqsaty halyqty adastyrý ekenin aıtty.
«О́zderin sóz erkindiginiń jaqtaýshysy retinde kórsetkisi keletin keıbir quqyq qorǵaý uıymdarynyń ókilderi, blogerler men jýrnalıster elimizdegi ár isten saıası, jaǵymsyz astar izdep, shyn máninde, arandatýmen aınalysyp júr. Bul – Qazaqstannan kóship ketip, shetelde júrip halqymyzǵa shabýyl jasaıtyn, tipti memlekettik organdardy bopsalaıtyn burynǵy azamattarymyzdyń áreketi. Olar shet memleketter bergen aqshany aqtaýǵa jumys istep júr», – dedi ol.
Prezıdent bul áreketterdi elimizdiń ulttyq qaýipsizdigine tónetin qater retinde baǵalap, syrtqy kúshterdiń demokratııa uǵymyn óz múddesine paıdalanýǵa tyrysyp jatqanyn ashyq aıtty.
«Demokratııany bireýdiń qarjysymen ornatýǵa bolmaıdy. Elimizdiń ál-aýqaty, sonyń ishinde demokratııa men sóz bostandyǵy úshin shetelde eshkimniń basy aýyryp, baltyry syzdamaıdy. Ony naqty túsingen jón», – dep atap ótti Qasym-Jomart Toqaev.
Memleket basshysy jaqynda sheteldik úkimettik emes uıymdardyń kúmándi áreketteri ashyq áshkerelengenin aıtty. Sondaı-aq, keıbir otandyq grant alýshylardyń da kóleńkeli isteri belgili bolǵanyn atap ótti.
«Qazaqstanda problema joq demeımiz. Árıne, basqa elderdegideı bizde de túıtkilder bar. Biraq biz ony áldekimderdiń ádistemesimen emes, ózimizdiń ulttyq múddemiz ben zańnama aıasynda sheshemiz», – dedi Prezıdent.
Memleket basshysy Qazaqstan halqynyń bereke-birligi men ulttyq qundylyqtarǵa adaldyǵyn basa aıtyp, el tutastyǵyn saqtaýdaǵy basty tirek – tarıhı-mádenı sabaqtastyq ekenin jetkizdi.
«Ideologııalyq óshpendilik – bizdiń dúnıetanymymyzǵa múlde jat. Dástúrimiz ben qundylyqtarymyz, bolmysymyz ben ómir saltymyz ultymyzdy birtutas tarıhı-mádenı jáne saıası qaýym retinde biriktirip, tutastyǵyn bekemdeıdi», – dedi Toqaev.
