Prezıdent qazaqstandyqtardy Jańa jyl merekesimen quttyqtady

Foto: Aqorda

Memleket basshysy Qasym-Jomart Toqaev Qazaqstan halqyn Jańa jyl merekesimen quttyqtady, dep habarlaıdy qandastar.kz aqparat portaly.

«Qymbatty otandastar!

Sizderdi Jańa jyl merekesimen shyn júrekten quttyqtaımyn!

Búgin bárimiz júzjyldyqtyń shırek ǵasyrlyq belesine qadam basqaly turmyz. Bıyl Altaı men Atyraý arasyndaǵy barsha jurt tarıhtyń jańa paraǵyn bir mezette ashady. Halqymyz eki jyldyń toǵysar tusyn izgi nıetpen, erekshe kóńil-kúımen kútedi. О́tken kúnderdi saralap, eski jylǵa baǵa beredi. Arman-maqsatyn aıqyndap, bolashaqqa úlken úmitpen qaraıdy. Bul – naǵyz otbasylyq mereke. Sondyqtan men barshańyzǵa, eń aldymen, elimiz aman, jurtymyz tynysh, baýyrymyz bútin bolsyn degim keledi.

Ulý jyly ultymyz úshin mańyzdy oqıǵalarǵa toly boldy. Túrli saladaǵy reformalar jemisin bere bastady. Ekonomıkanyń jańa baǵdaryn belgilep, naqty sharalardy qolǵa aldyq. О́ńdeý ónerkásibi qarqyndy damýda. Birqatar iri óndiris orny ashyldy. Investıııalyq ahýal jaqsardy. Myńdaǵan shaqyrym jol salynyp, jóndeldi. Elimizdegi eń uzyn kópirdiń qurylysy aıaqtalyp, halyq ıgiligine berildi.

Dıqandarymyz mol astyq jınap, qambany dánge toltyrdy. «Taza Qazaqstan» akııasynyń aıasynda qalalar men aýyldar jańasha kelbetke ıe bola bastady. Alǵash ret azamattarymyzdyń ortasha ómir súrý uzaqtyǵy 75 jasqa jetti.

О́skeleń urpaqtyń jarqyn bolashaǵy úshin aýqymdy jumys atqarylyp jatyr. Ulttyq qordaǵy qarjynyń bir bóligi balalardyń esepshotyna tústi. Júzden astam jańa mektep ashyldy. Kóptegen áleýmettik nysan salyndy.

Parlament depýtattary qoǵamdaǵy ózekti máseleler boıynsha zańdar qabyldady. Sondaı-aq bıyl biz elimizdiń keleshegine aıryqsha áser etetin óte mańyzdy sheshim qabyldadyq. Atom elektr stanııasyna qatysty referendým ótkizdik. Kópshilik bul bastamaǵa qoldaý bildirdi.

Qazaqstannyń álemdik arenadaǵy abyroıy arta tústi. Astanada bedeldi halyqaralyq uıymdardyń mańyzdy sammıtteri ótti.

Dúnıejúzilik kóshpendiler oıyndaryna myńdaǵan sportshylar men meımandar keldi. Baıraqty básekeni tabysty uıymdastyryp, tól órkenıetimizdi jer júzine tanyttyq. Sportshylarymyz Olımpıada jáne Paralımpıada oıyndarynda kók týymyzdy bıikte jelbiretti. Oqýshylarymyz túrli bilim saıystarynan júldeli oraldy. Basqa da kóptegen tabys bar.

Bıyl kóktemde birqatar aımaqta alapat tasqyn bolǵanyn bilesizder. Tabıǵattyń tosyn synaǵy bárimizge aýyr tıgeni sózsiz. Soǵan qaramastan, qıyn kúnderde halqymyz bir-birine janashyr bolyp, myzǵymas birligin kórsetti. Zardap shekken barsha azamatqa jan-jaqty kómek berildi. Memleket eshkimdi nazardan tys qaldyrǵan joq. Barlyq mindettemesin tolyq oryndady. Júzdegen otbasy Jańa jyldy jańa shańyraqta qarsy alyp jatyr. Biz osylaısha yrysty yntymaǵymyzdyń arqasynda barlyq qıyndyqty eńseremiz. Alǵa senimmen qadam basamyz. Júıeli reformalar odan ári jalǵasady. Josparymyzdyń bári oıdaǵydaı oryndalady. Aldaǵy jyl budan da tabysty bolady. Men Prezıdent retinde buǵan bar kúsh-jigerimdi salamyn.

Úkimet tıimdi jumys atqaryp, ekonomıkanyń qarqyndy ósimin qamtamasyz etýge tıis.  Jańa óndiris oryndaryn ashyp, bızneske qolaıly jaǵdaı jasaý qajet. Jol salýdy jalǵastyryp, kommýnaldyq saladaǵy túıtkildi máselelerdi sheshý kerek. ıfrlyq tehnologııalardy, sonyń ishinde jasandy ıntellektini qoldaný aıasyn keńeıtken jón. Aýyl eńbekkerlerin barynsha qoldaý mańyzdy. Basty maqsatymyz – azamattardyń ál-aýqatyn arttyrý.

Memleket bilim berý jáne densaýlyq saqtaý, ǵylym jáne mádenıet salalaryn damytýǵa basa mán beredi.

Biz jańa mektepter men aýrýhanalar salyp, pedagogterdiń, dárigerlerdiń, ǵalymdar men mádenıet qaıratkerleriniń mártebesin kótere beremiz. Jastarǵa da mindetti túrde qoldaý kórsetemiz.

Kelesi jyly elimizde birneshe aıtýly oqıǵa bolady. Biz Uly Jeńistiń 80 jyldyǵyn laıyqty atap ótemiz. Ata Zańymyzdyń jáne Qazaqstan halqy Assambleıasynyń otyz jyldyq mereıtoılaryn joǵary deńgeıde ótkizemiz. Sondaı-aq uly Abaıdyń 180 jyldyq mereıtoıyn laıyqty atap ótýimiz kerek.

Men aldaǵy jyldy «Jumysshy mamandyqtar jyly» dep jarııaladym. Bul – eńbek adamdaryna degen erekshe qurmettiń belgisi. Biz otanshyldyq, eńbekqorlyq jáne biliktilikke aıryqsha mán beremiz. Dál qazir merekege qaramastan myńdaǵan otandasymyz jumys istep jatyr. Olardyń arasynda shekarashylar, dárigerler, tártip saqshylary, qutqarýshylar men órt sóndirýshiler, óndiris basyndaǵy mamandar jáne basqa da azamattar bar. Muny óz isine degen adaldyqtyń naǵyz úlgisi deýge bolady. Men búkil halqymyzdyń atynan Sizderge shynaıy rızashylyǵymdy bildiremin. Shetelde bilim alyp jatqan nemese jumys istep júrgen azamattarymyzǵa amandyq tileımin!

Qadirli aǵaıyn!

Osy merekelik sátte men ár shańyraqqa shattyq tileımin! Jańa jyl ár azamatqa jaqsylyq ákelsin! Tórt qubylamyz túgel bolsyn! Ardaqty analarymyz ben ardagerlerimiz aman bolsyn! Jas urpaqtyń joly ashyq, bolashaǵy jarqyn bolsyn! Qasterli Otanymyz ósip-órkendeı bersin! Jańa jylda barshańyzǵa amandyq, baq-bereke tileımin!

Ár úıde qýanysh kóp bolsyn! Sizderge myqty densaýlyq tileımin! Yrys-nesibelerińiz arta bersin!

Jańa jyl qutty bolsyn!», – dedi Qazaqstan Prezıdenti