Prezıdent «QazMunaıGaz» kompanııasynyń tóraǵasyn qabyldady

Foto: Aqorda

Memleket basshysy «QazMunaıGaz» UK» AQ basqarma tóraǵasy Ashat Hasenovti qabyldady, dep jazdy qandastar.kz

Prezıdentke ulttyq kompanııanyń byltyr atqarǵan jumysy jóninde esep berildi:

• «QazMunaıGaz» kompanııalar toby ótken jyly munaı jáne kondensat óndirý kólemin 23,8 mıllıon tonnaǵa jetkizdi. Bul – 2023 jylǵy kórsetkishpen salystyrǵanda 1,3 paıyzǵa artyq;
• munaı óndirý deńgeıin saqtap turý úshin Tehnologııalyq syn-qaterler baǵdarlamasy iske asyrylyp jatyr. Joba árbir ken ornyndaǵy munaı óndirý kólemin arttyrýda saralanǵan ádisterdi qoldanýdy qarastyrady;
• Qalamqas-teńiz jobasyn jobalaý bastaldy, onyń quny quny  – 6,4 mıllıard dollar;
• ótken jyly Torǵaı Paleozoı, Qaraton Podsolevoı, Qarajar jáne Taısoıǵan uńǵymalarynda burǵylaý jumystary bastaldy. Olardyń munaı qory 800 mıllıon tonnadan asady.

Sondaı-aq, Ashat Hasenov byltyr munaı tasymaldaý kólemi 2023 jylmen salystyrǵanda 4 paıyzǵa artyp, 83,6 mıllıon tonnany quraǵanyn aıtty.

«2024 jyly otandyq munaı óńdeý zaýyttarynda 17,44 mıllıon tonna munaı óńdeldi. Ishki naryqty qamtamasyz etý úshin jeńil munaı ónimderi óndirisin 2023 jylmen salystyrǵanda 370 myń tonnaǵa ulǵaıtý sharalary qabyldandy», – dedi kompanııa tóraǵasy.

Ashat Hasenovtiń esebinen:

•  «CASPI BITUM» jaýapkershiligi shekteýli seriktestiginde bıtým óndirisin jylyna 750 myń tonnaǵa deıin arttyrý boıynsha joba qolǵa alynǵan;
• polıetılen óndiretin zaýyttyń qurylys jumystary bastalǵanyn aıtty. Quny 7,4 mıllıard dollarǵa baǵalanǵan kásiporyn jylyna 1 mıllıon 250 myń tonna ónim shyǵara alady;
• Mańǵystaý oblysynda sý tushytý zaýyty salynyp jatyr. Bul kásiporyn Jańaózen qalasynyń turǵyndaryn sapaly aýyz sýmen qamtamasyz etedi. Sondaı-aq qýaty 247 MVt bolatyn gıbrıdti elektr stanııasynyń qurylysy júrgizilip jatyr;

Kezdesý sońynda Prezıdent geologııalyq barlaý júrgizýge, iri ınvestıııalyq jobalardy júzege asyrýǵa jáne munaı-gaz hımııasyn damytýǵa qatysty jumysty júıeli jalǵastyrýdy tapsyrdy.