Prezıdent «Qazposhtanyń» basshysy Ásel Janasovany qabyldady

Foto: Aqorda

Memleket basshysy Qasym-Jomart Toqaev «Qazposhta» AQ Basqarma tóraǵasy Ásel Janasovany qabyldady, – dep habarlaıdy  qandastar.kz  Aqordaǵa silteme jasap.

Ásel Janasova Prezıdentke kompanııanyń byltyr atqarǵan qyzmetiniń nátıjeleri, qarjylyq jaǵdaıy, sondaı-aq damýdyń perspektıvti baǵyttary týraly esep berdi.

Sońǵy eki jylda «Qazposhta» taza tabys taýyp, bıýdjetke 45 mıllıard teńge kóleminde salyq jáne baj alymdaryn tólegen.

Kompanııa Dúnıejúzilik poshta odaǵynyń reıtıngisi boıynsha alǵash ret eń úzdik 50 poshta operatorynyń qataryna kirgeni jóninde baıandady. Tasymal úderisin ońtaılandyrý esebinen poshtalyq jóneltilimderdiń kólemi 26 paıyzǵa ósken. Atap aıtqanda, 20 mıllıon, sonyń ishinde 9 mıllıon halyqaralyq sálemdeme jetkizilgen.

HomePost jobasynyń júzege asyrylý barysyn tanystyrdy. Atalǵan bastama aıasynda úı janyndaǵy dúkender aýmaǵynda tapsyrystardy berýge arnalǵan 180 pýnkt ashylǵan. Bıyl olardyń sany 1 myńǵa jetedi. YTO Express kompanııasymen yntymaqtastyq sheńberinde poshtalyq ınfraqurylymdy jańǵyrtýǵa 50 mıllıon dollar kóleminde ınvestıııa tartylǵan.

Sonymen qatar qyzmet sapasyn jaqsartý maqsatynda engiziletin ınnovaııa jaıynda aıtty:

• Japan Post, Toshiba jáne Cainiao kompanııalarymen kólik jáne logıstıka salalarynda birlesken jobalar júzege asyrylyp jatyr;
• halyqaralyq marketpleısterge qoljetimdilikti qamtamasyz etetin Keruen servısi damyp keledi;
• Aqtóbe áýejaıynda mýltımodaldy qoıma salý josparlanyp otyrǵany jóninde aıtty. Aýmaǵy 15 myń sharshy metr bolatyn bul nysan Túrkııanyń S-Sistem kompanııasymen seriktestik negizinde boı kóteredi.

Memleket basshysy kompanııanyń qarjylyq jaǵdaıyn jaqsartý, elimizdiń TMD-ǵa baǵyttalǵan kólik-logıstıka áleýetin elektrondy saýda salasynda damytý jáne ıfrlyq sheshimder engizý boıynsha jumystardy jalǵastyrýdy tapsyrdy.