پرەزيدەنت كەمەل توقاەۆ اتىنداعى ورتا مەكتەپكە باردى

فوتو: اقوردا

قاسىم-جومارت توقاەۆقا مەكتەپ ديرەكتورى ءلاززات يسپانوۆا وقۋشىلاردىڭ جەتىستىكتەرى تۋرالى ايتىپ, جازۋشى مۇراجايىمەن تانىستىردى, دەپ حابارلايدى qandastar.kz

1997 جىلى قۇرىلعان مۋزەيگە قالامگەردىڭ تۇتىنعان زاتتارى, فوتوسۋرەتتەرى, قۇجاتتارى مەن كىتاپتارى قويىلعان. پرەزيدەنتكە جازۋشىنىڭ ءومىرى مەن شىعارماشىلىعىنا ارنالعان زياتكەرلىك ويىن جانە پوۆەستەرىنىڭ جەلىسى بويىنشا شاعىن قويىلىم كورسەتىلدى.

مەملەكەت باسشىسىنا «كەمەل توقاەۆ اتىنداعى قايىرىمدىلىق قورى» اتقارعان جۇمىستار جونىندە باياندالدى. بيىل قوردىڭ قۇرىلعانىنا 15 جىل تولىپ وتىر.