جاڭالىقتار
پرەزيدەنت قورعانىس ءمينيسترىن قابىلدادى
فوتو: اقوردا
پرەزيدەنت – قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى قاسىم-جومارت توقاەۆقا قورعانىس ۆەدومستۆوسىنىڭ بىلتىر اتقارعان قىزمەتى تۋرالى ەسەپ بەرىلدى, دەپ جازادى qandastar.kz
مەملەكەت باسشىسىنا ارميانىڭ جاۋىنگەرلىك دايىندىعىنىڭ جاي-كۇيى مەن اسكەرلەردى دايارلاۋدىڭ جاڭا تاسىلدەرى جونىندە باياندالدى.
رۋسلان جاقسىلىقوۆ مەملەكەتتىك قورعانىس تاپسىرىسىن ورىنداۋ, الەۋمەتتىك جانە يدەولوگيالىق جۇمىستاردى جۇرگىزۋ, سونداي-اق اسكەري ينفراقۇرىلىمدى دامىتۋ بارىسى جايىندا ايتتى.
جوعارعى باس قولباسشى قاسىم-جومارت توقاەۆ مينيسترگە ارميانىڭ جاۋىنگەرلىك الەۋەتىن كوتەرۋگە, باسقارۋ ۇدەرىستەرىن ودان ءارى تسيفرلاندىرۋعا, ارنايى وپەراتسيالار كۇشتەرىن دامىتۋعا, الەۋمەتتىك-يدەولوگيالىق جۇمىستاردى كۇشەيتۋگە قاتىستى ناقتى تاپسىرمالار بەردى.
