Prezıdent: Mańǵystaýda «jasyl» sýtegi óndirisi jobasy júzege asyrylady

Foto: ashyq derekkóz

Jyl sońynda jalpy quny 1,2 trıllıon teńgeni quraıtyn 180 ındýstrıaldy joba iske asyrylmaq. Bul týraly Prezıdent Aýyl sharýashylyǵy eńbekkerleriniń forýmynda aıtty, dep jazady qandastar.kz

«Atap aıtqanda, katodty mys (Qaraǵandy oblysy), ferroqorytpa (Pavlodar oblysy), júk kólikteriniń bólshekteri (Qostanaı oblysy), ement, baǵaly metall óńdeý óndirisi (Jambyl oblysy) sekildi iri zaýyttar jumys isteı bastaıdy. Qazirgi ýaqytta volfram kenin qaıta óńdeý (Almaty oblysy), Chevrolet Onix avtokólik markasyn qurastyrý (Qostanaı oblysy), mys konentraty (Jambyl oblysy), jylý oqshaýlaǵysh materıaldary (Almaty oblysy) jáne qysh taqtalary (Shymkent qalasy) óndiristeri paıdalanýǵa berildi. Atyraý oblysynda polıpropılen shyǵaratyn zaýyttyń ashylýy munaı-gaz hımııasy salasynyń tolyqtaı qalyptasýyna yqpal etti. Aldaǵy ýaqytta polıetılen men býtadıen óndirý josparlanǵan. Mańǵystaý oblysynda eýropalyq konsorıýmnyń qatysýymen «jasyl» sýtegi óndirisi jobasy júzege asyrylady. Osylaısha elimizde ozyq halyqaralyq standarttarǵa saı jáne syrtqy naryqta suranysqa ıe ónim óndiretin jańa kásiporyndar qurylyp jatyr.

Áleýmettik jaǵynan az qamtylǵan azamattardyń turǵyn úıge qoljetimdiligin arttyrý úshin aýqymdy jumys júrgizilýde. Osy maqsatta «Otan», «Naýryz» jáne «Asyl meken» jeńildetilgen ıpotekalyq baǵdarlamalary ashyldy. Sondaı-aq kóktemgi sý tasqynynan zardap shekken 17 myńnan astam otbasynyń baspana máselesi sheshimin tapty», – dedi prezıdent.