پرەزيدەنت وليمپياداعا قاتىساتىن قازاقستاندىق سپورتشىلارعا تۋدى تاپسىردى

پرەزيدەنت قاسىم-جومارت توقاەۆ ءحححىىى جازعى وليمپيادا ويىندارىنا قاتىساتىن قازاقستان قۇراما كومانداسىنىڭ مۇشەلەرىنە مەملەكەتتىك تۋدى تاپسىردى, دەپ حابارلايدى qandastar.kz.

قاسىم-جومارت توقاەۆ ۇلتتىق قۇراما سپورتشىلارىمەن كەزدەسۋدە پاريجدە باستالاتىن ءدۇبىرلى دودانى بۇكىل الەم اسىعا كۇتەتىنىن ءارى وعان تورتكۇل دۇنيە تۇگەل كوز تىگىپ وتىرعانىن ايتتى. سونىمەن قاتار ۇزدىكتەردىڭ ۇزدىگى باق سىنايتىن بايراقتى باسەكەگە ەڭ مىقتى سپورتشىلارىمىز بارا جاتقانىن اتاپ ءوتىپ, ەل نامىسىن قورعاۋ ابىرويلى مىندەت ەكەنىنە توقتالدى.

ء«بىز سىزدەرگە زور ءۇمىت ارتامىز. بۇكىل حالقىمىز – سىزدەرگە جانكۇيەر. جالپى, قازاق سپورت مەكتەبىنىڭ مارتەبەسى قاشاندا بيىك. سپورتشىلارىمىز ءاردايىم ەلگە جۇلدەمەن ورالىپ ءجۇر. وسى داڭقتى جولدى ابىرويمەن جالعايسىزدار دەپ سەنەمىن. شىن مانىندە, سىزدەردىڭ جەڭىستەرىڭىز تۇتاس قازاقستاننىڭ جەڭىسى بولماق. كوك تۋىمىز جەلبىرەسە, ۇلتىمىزدىڭ رۋحى اسقاقتايدى», — دەدى مەملەكەت باسشىسى.