جاڭالىقتار
پرەزيدەنت ورتا ازياداعى ەڭ قۋاتتى سۋپەركومپيۋتەردى ىسكە قوستى
مەملەكەت باسشىسى قاسىم-جومارت توقاەۆ Alemcloud ۇلتتىق سۋپەركومپيۋتەر ورتالىعىندا بولدى, وندا NVIDIA H200 گرافيكالىق پروتسەسسورلارى نەگىزىندەگى سۋپەركومپيۋتەردى ىسكە قوسۋ راسىمىنە قاتىستى, دەپ حابارلايدى Qandastar.kz.
جۇيەنى ورناتۋ جانە ىسكە قوسۋ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ جاڭا داتا ورتالىعىندا حالىقارالىق سەرىكتەستەرمەن بىرگە ءوتتى.
جاڭا سۋپەركومپيۋتەر كلاستەرى FP8 ەسەپتەۋ ءادىسى ارقىلى 2 ەكسافلوپقا دەيىن ونىمدىلىكتى قامتاماسىز ەتە الادى, بۇل ونى ورتالىق ازيا ايماعىنداعى ەڭ قۋاتتى ەسەپتەۋ شەشىمىنە اينالدىرادى.
قاسىم-جومارت توقاەۆ سۋپەركومپيۋتەردى ىسكە قوسۋ نەگىزگى سالالاردى تسيفرلاندىرۋداعى ماڭىزدى قادام بولاتىنىن اتاپ ءوتتى.
سۋپەركومپيۋتەر قازاقستانعا تسيفرلىق تەحنولوگيالاردى دامىتۋدا ايتارلىقتاي جەتىستىكتەرگە جەتۋگە مۇمكىندىك بەرەدى. نەيروندىق جەلى شەشىمدەرىن ازىرلەۋمەن اينالىساتىن ستارتاپتار, ۋنيۆەرسيتەتتەر, عىلىمي ورتالىقتار, سونداي-اق مەملەكەتتىك جانە جەكە كومپانيالار ونىمدىلىگى جوعارى ەسەپتەۋلەرگە قول جەتكىزە الادى.
