جاڭالىقتار
پرەزيدەنت پرەمەر-ءمينيستردى قابىلدادى
فوتو: اقوردا
قاسىم-جومارت توقاەۆ وڭدەۋ ونەركاسىبى, اۋىل شارۋاشىلىعى, قۇرىلىس جانە كولىك سالالارىنداعى وڭ ديناميكانى ساقتاۋ باعىتىنداعى جۇمىستى جالعاستىرۋدى تاپسىردى, دەپ جازدى qandastar.kz
ولجاس بەكتەنوۆ:
- ️ەكونوميكالىق ءوسىمدى قامتاماسىز ەتۋ جانە الەۋمەتتىك ساياساتتى جەتىلدىرۋ بويىنشا پرەزيدەنت تاپسىرمالارىنىڭ ورىندالۋ بارىسى تۋرالى باياندادى:
– بيىلعى قاڭتار-قاراشا ايلارىندا جالپى ىشكى ءونىمنىڭ ءوسىمى 4,4 پايىزدى قۇراعان;
– ەكونوميكانى ءارتاراپتاندىرۋ اياسىندا اۋىل شارۋاشىلىعى (13,4 پايىز), قۇرىلىس (10,3 پايىز), ساۋدا (8,2 پايىز), كولىك (8,1 پايىز), وڭدەۋ ونەركاسىبى (5,3 پايىز), سونىڭ ىشىندە مەتاللۋرگيا (7,2 پايىز) جانە ماشينا جاساۋ (6,9 پايىز), حيميا ونەركاسىبى (8,4 پايىز), سونداي-اق اقپارات جانە بايلانىس (5,3 پايىز) سالالارىندا ءوسىم بايقالعان;
– بيىل ەكونوميكانىڭ وسىمىنە مۇنايدان تىس سالالاردىڭ دامۋى ەسەبىنەن قول جەتكىزىلگەن. سوعان قاراماستان مۇنايدى يگەرۋدىڭ بولجامدى كورسەتكىشىنىڭ ورىندالماۋى ەكونوميكا دامۋىنىڭ جالپى قارقىنىنا اسەر ەتكەن;
- ️وتاندىق وندىرۋشىلەردى قولداۋ جانە تەرەڭ وڭدەۋدى ىنتالاندىرۋ بويىنشا قابىلدانعان شارالاردىڭ ناتيجەسى جونىندە مالىمەت بەردى. وڭدەلگەن تاۋار ەكسپورتى 10,2 پايىزعا ءوسىپ, 23,3 ميلليارد دوللارعا جەتكەن. تاۋار يمپورتىنىڭ كورسەتكىشى 3,3 پايىزعا كەمىگەن. نەگىزگى كاپيتالعا سالىنعان ينۆەستيتسيا كولەمى 3,1 پايىزعا ۇلعايعان. بۇل ورايدا شيكىزاتتىق ەمەس سالالاردا ايتارلىقتاي ءوسىم بار;
- ️ىسكەرلىك بەلسەندىلىكتى ودان ءارى ارتتىرۋ جانە ايماقتارداعى ءومىر ءسۇرۋ ساپاسىن جاقسارتۋ بويىنشا جۇمىستاردى كۇشەيتۋ جوسپارىن تانىستىردى.
قاسىم-جومارت توقاەۆ وڭدەۋ ونەركاسىبى, اۋىل شارۋاشىلىعى, قۇرىلىس جانە كولىك سالالارىنداعى وڭ ديناميكانى ساقتاۋ باعىتىنداعى جۇمىستى جالعاستىرۋدى تاپسىردى. سونداي-اق ينۆەستيتسيا تارتۋ, الەۋمەتتىك جانە ينجەنەرلىك ينفراقۇرىلىمدى جاڭعىرتۋ, يمپورت الماستىرۋ جانە الەۋمەتتىك ماڭىزعا يە ازىق-ت ۇلىكتىڭ باعاسىن تۇراقتاندىرۋدى باقىلاۋ بويىنشا بىرقاتار تاپسىرما بەردى.
