Prezıdent Premer-Mınıstrdi qabyldady

Foto: Aqorda

Qasym-Jomart Toqaev óńdeý ónerkásibi, aýyl sharýashylyǵy, qurylys jáne kólik salalaryndaǵy oń dınamıkany saqtaý baǵytyndaǵy jumysty jalǵastyrýdy tapsyrdy, dep jazdy qandastar.kz

Oljas Bektenov:

• ️ekonomıkalyq ósimdi qamtamasyz etý jáne áleýmettik saıasatty jetildirý boıynsha Prezıdent tapsyrmalarynyń oryndalý barysy týraly baıandady:

– bıylǵy qańtar-qarasha aılarynda jalpy ishki ónimniń ósimi 4,4 paıyzdy quraǵan;

– ekonomıkany ártaraptandyrý aıasynda aýyl sharýashylyǵy (13,4 paıyz), qurylys (10,3 paıyz), saýda (8,2 paıyz), kólik (8,1 paıyz), óńdeý ónerkásibi (5,3 paıyz), sonyń ishinde metallýrgııa (7,2 paıyz) jáne mashına jasaý (6,9 paıyz), hımııa ónerkásibi (8,4 paıyz), sondaı-aq aqparat jáne baılanys (5,3 paıyz) salalarynda ósim baıqalǵan;

– bıyl ekonomıkanyń ósimine munaıdan tys salalardyń damýy esebinen qol jetkizilgen. Soǵan qaramastan munaıdy ıgerýdiń boljamdy kórsetkishiniń oryndalmaýy ekonomıka damýynyń jalpy qarqynyna áser etken;

• ️otandyq óndirýshilerdi qoldaý jáne tereń óńdeýdi yntalandyrý boıynsha qabyldanǵan sharalardyń nátıjesi jóninde málimet berdi. О́ńdelgen taýar eksporty 10,2 paıyzǵa ósip, 23,3 mıllıard dollarǵa jetken. Taýar ımportynyń kórsetkishi 3,3 paıyzǵa kemigen. Negizgi kapıtalǵa salynǵan ınvestıııa kólemi 3,1 paıyzǵa ulǵaıǵan. Bul oraıda shıkizattyq emes salalarda aıtarlyqtaı ósim bar;
• ️iskerlik belsendilikti odan ári arttyrý jáne aımaqtardaǵy ómir súrý sapasyn jaqsartý boıynsha jumystardy kúsheıtý josparyn tanystyrdy.

Qasym-Jomart Toqaev óńdeý ónerkásibi, aýyl sharýashylyǵy, qurylys jáne kólik salalaryndaǵy oń dınamıkany saqtaý baǵytyndaǵy jumysty jalǵastyrýdy tapsyrdy. Sondaı-aq ınvestıııa tartý, áleýmettik jáne ınjenerlik ınfraqurylymdy jańǵyrtý, ımport almastyrý jáne áleýmettik mańyzǵa ıe azyq-túliktiń baǵasyn turaqtandyrýdy baqylaý boıynsha birqatar tapsyrma berdi.