پرەزيدەنت: رەفورمالاردى ىسكە اسىرۋدا ءماسليحاتتاردىڭ ورنى ايرىقشا

فوتو: اشىق دەرەككوز

ءماسليحاتتار جالپىۇلتتىق مىندەتتەردى جۇزەگە اسىرۋعا ۇلەس قوسۋى كەرەك. بۇل تۋرالى قازاقستان پرەزيدەنتى قاسىم-جومارت توقاەۆ ايتتى, – دەپ حابارلايدى qandastar.kz

پرەزيدەنت رەفورمالاردى وڭىرلەردە ىسكە اسىرۋدا ءماسليحاتتاردىڭ ورنى ايرىقشا ەكەنىن اتاپ ءوتتى.

«بىلتىر مەنىڭ توراعالىعىممەن وتكەن ەلىمىزدىڭ الەۋمەتتىك-ەكونوميكالىق دامۋىنا ارنالعان كەڭەيتىلگەن كەڭەسكە كوپتەگەن دەپۋتاتتار قاتىستى. مۇنداي جيىن الداعى ۋاقىتتا دا ءوتىپ تۇرادى. سەبەبى رەفورمالاردى وڭىرلەردە ىسكە اسىرۋدا ءماسليحاتتاردىڭ ورنى ايرىقشا. ءماسليحاتتاردىڭ مەملەكەتتىك جانە قوعامدىق مىندەتتەردى جۇزەگە اسىرۋعا ەتەنە ارالاسۋى, وزدەرى ءتۇرلى باستاما كوتەرۋى ماڭىزدى. وسى ورايدا «AMANAT» پارتياسىنىڭ قوعامداعى وزەكتى ماسەلەلەردى شەشۋگە باعىتتالعان جوبالارىن ەرەكشە اتاپ وتكىم كەلەدى.

سوندىقتان جاستارعا, ايەلدەرگە, كاسىپكەرلەرگە, زەينەتكەرلەرگە, ەرەكشە قاجەتتىلىكتەرى بار ادامدارعا قولداۋ كورسەتۋ, حالىقتىڭ قارىز جۇكتەمەسىن ازايتۋ, اۋىل تۇرعىندارىنىڭ كىرىسىن ارتتىرۋ, پايدالانىلماي جاتقان جانە زاڭسىز بەرىلگەن جەرلەردى قايتارۋ, ەكولوگيالىق, قارجىلىق ساۋاتتىلىقتى جەتىلدىرۋ, سونداي-اق قوعامداعى وقۋ مادەنيەتىن قالىپتاستىرۋ سياقتى جوبالار – ايرىقشا نازار اۋدارۋدى قاجەت ەتەتىن وزەكتى ماسەلەلەر. مەن ۇكىمەتكە «قارىزسىز قوعام» جانە «اۋىل اماناتى» سەكىلدى پارتيالىق جوبالاردىڭ اۋقىمىن كەڭەيتۋگە كومەكتەسۋدى تاپسىردىم.

مەملەكەت ادال ەڭبەگىمەن تۇرمىسىن جاقسارتۋعا دايىن جاندارعا ارقاشان قولداۋ كورسەتەدى. بۇل «ادال ەڭبەك – ادال تابىس» قاعيداسىنا تولىق سايكەس كەلەدى جانە ادىلەتتى قازاقستان قۇرۋدىڭ نەگىزگى فاكتورلارىنىڭ ءبىرى. سوندىقتان كەلەسى جىلدى جۇمىسشى ماماندىقتار جىلى دەپ جاريالادىم. وسى ارقىلى قوعامدا ەڭبەك قۇندىلىعى مەن كاسىبي بىلىكتىلىكتىڭ ورنىعۋىنا ىقپال ەتەمىز دەپ سەنەمىن», – دەدى قاسىم-جومارت توقاەۆ.