Prezıdent reformalardyń jalǵasatynyn aıtty

Foto: ashyq derekkóz

Prezıdent óz sózinde byltyr kóptegen mańyzdy oqıǵalar bolyp, qyrýar jumys atqarylǵanyna toqtaldy, dep jazdy qandastar.kz

«­Mysaly, ábden tozyǵy jetken ınjenerlik-kommýnaldyq ınfraqurylymdy jańǵyrtý jumystary barlyq aımaqta júrgizildi. 18 mıllıon sharshy metr turǵyn úı paıdalanýǵa berildi. 7 myń shaqyrym avtokólik joly salynyp, jóndeldi. Almaty, Qyzylorda jáne Shymkent áýejaılarynda jańa jolaýshylar termınaly iske qosyldy. Taý-ken, munaı-hımııa jáne metallýrgııa salalarynda aýqymdy jobalar júzege asyryldy. Qaıta óńdeý sektory qarqyndy damı bastady. Onyń ónerkásiptegi úlesi óndirý salasynyń deńgeıine jýyqtady. 27 mıllıon tonnaǵa jýyq astyq jınap, sońǵy on jyldaǵy rekordtyq kórsetkishke qol jetkizgen dıqandarymyzdyń jetistigin aıryqsha atap ótken jón», dedi Qasym-Jomart Kemeluly. 

О́tken jyldyń basynda Prezıdent bas basylym «Egemen Qazaqstan» gazetine bergen suhbatynda jyldyń aıryqsha mańyzdy bolatynyn tilge tıek etken edi. Memleket basshysy is júzinde de solaı bolyp shyqqanyna toqtalyp, aldaǵy bes jyldyq damýdyń negizi qalanǵanyn aıtty. 

«Biz elimiz úshin kúrdeli bolsa da, júıeli ekonomıkalyq reformalardy qolǵa alyp, aldaǵy bes jyldyq damýymyzdyń berik negizin qaladyq. Sol úshin kóptegen mańyzdy jobalar men bastamalar júzege asyryldy. Keleshekte budan da aýqymdy jumys jasalmaq.

Qazaqstan – áleýmettik memleket. Sondyqtan byltyrdan bastap «Ulttyq qor – balalarǵa» baǵdarlamasy aıasynda tólem berile bastady. Zeınetaqy, járdemaqy, shákirtaqy jáne azamattyq sala qyzmetkerleriniń jalaqysy kóbeıdi. Elimizdiń túkpir-túkpirinde júzdegen jańa mektep, balabaqsha jáne dene shynyqtyrý-saýyqtyrý ortalyqtary salyndy. Sheteldiń onnan astam bedeldi joǵary oqý ornynyń bólimshesi ashyldy. Ǵylymdy qarjylandyrý kólemi arta tústi, mádenıet salasynyń qyzmetkerlerine eleýli qoldaý kórsetilip jatyr. Buqaralyq sportty damytýǵa basa mán berildi. Munyń bárin azamattardyń jasampazdyq áleýetin arttyrý úshin paıdaly ınvestıııa deýge bolady», dedi Prezıdent.

Memleket basshysy qazir álemde geosaıası ahýal qalyptasyp otqanyn atap ótip, Qazaqstan jaǵdaıdy baqylaýda ustap qana qoımaı, jan-jaqty reformalardy jalǵastyrǵanyna nazar aýdardy.