پرەزيدەنت رەسەي پاتريارحى كيريللمەن كەزدەستى

اقوردا

مەملەكەت باسشىسى الەمدىك جانە ءداستۇرلى دىندەر كوشباسشىلارىنىڭ VIII cەزىنە قاتىسۋ ءۇشىن استاناعا كەلگەن ماسكەۋ جانە بۇكىل رەسەي پاتريارحى كيريللمەن كەزدەستى, دەپ حابارلايدى qandastar.kz

پرەزيدەنت بۇگىنگى كەزدەسۋ قازاقستان مەن رەسەي اراسىنداعى ىنتىماقتاستىقتى تەرەڭدەتۋ جولىنداعى تاعى ءبىر ماڭىزدى قادام ەكەنىن اتاپ ءوتتى.

– ەڭ الدىمەن, سەزگە ارنايى كەلگەنىڭىز ءۇشىن ريزاشىلىعىمدى بىلدىرەمىن. ءسىزدىڭ بۇل جيىنعا قاتىسۋىڭىز, شىن مانىندە, فورۋمنىڭ تابىستى ءوتۋ تۇرعىسىنان ماڭىزدى. ءبىز ءسىزدى قۇرمەتتەيمىز. وزىڭىزگە ءمالىم, قازاقستان مەن رەسەي – ستراتەگيالىق سەرىكتەس, وداقتاس ەلدەر, – دەدى مەملەكەت باسشىسى.

پاتريارح كيريلل قاسىم-جومارت توقاەۆقا قوناقجايلىق تانىتقانى ءۇشىن العىس ايتىپ, ورىس پراۆوسلاۆيە شىركەۋىنىڭ ميسسياسى حالىقتار اراسىنداعى بەيبىتشىلىك پەن ءوزارا تۇسىنىستىكتى نىعايتۋ ەكەنىن مالىمدەدى.

– قاسيەتتى قازاقستانعا كەلۋ مەنى ءاردايىم قۋانتادى. بۇل ءبىزدىڭ دوستاس ەلىمىز. عاسىرلار بويى قاتار ءومىر ءسۇرىپ كەلەمىز. قازىر مەملەكەتتەرىمىز بولەك بولعانىمەن, دوستىق, ءوزارا قولداۋ جانە ىنتىماقتاستىق ءتىنىن بەرىك جالعاپ وتىرمىز, – دەدى ماسكەۋ پاتريارحاتىنىڭ باسشىسى.

قاسىم-جومارت توقاەۆ ەكى ەل اراسىنداعى رۋحاني بايلانىستاردى نىعايتۋعا قوسقان ۇلەسى ءۇشىن ءارى ايرىقشا قۇرمەت بەلگىسى رەتىندە ماسكەۋ جانە بۇكىل رەسەي پاتريارحى كيريللدى «التىن قىران» وردەنىمەن ماراپاتتادى.

تولىق نۇسقاسىنا گيپەرسىلتەمە بەرۋدى ۇمىتپاڭىز: https://turkystan.kz/article/267486-qasym-zomart-toqaev-maskeu-zane-bukil-resei-patriarxy-kirillmen-kezdesu-otkizdi